2019年4月24日 星期三

女神男神:NBA主帥性侵索女體記 強吻胸部摸下體 __,女神,

禾頓(左)被控性侵Kelli(右)。(互聯網)美國32歲靚女體育記者KelliTennant,正式控告現任NBA帝王隊教練禾頓性侵。Kelli表示件事 ...


禾頓(左)被控性侵Kelli(右)。(互聯網)


美國32歲靚女體育記者Kelli Tennant,正式控告現任NBA帝王隊教練禾頓性侵。Kelli表示件事發生喺2017年,當時禾頓於酒店房內突然將佢壓咗喺床上,強吻佢嘅胸部同撫摸其下身,並瘋狂用下體擦向其大腿。Kelli表示事隔2年先正式控告禾頓,係因為工作關係需要同禾頓打交道,所以先忍氣吞聲,不過禾頓之後食髓知味,每次見到Kelli就會非禮佢,所以決定控告禾頓性侵。

Kelli身高1米88,憑住索爆外表同火辣身材,於當地人氣極高。2年前佢因為要出書,所以希望搵相識多時嘅禾頓寫序。禾頓知悉後,就叫佢到自己當時下榻酒店商討有關事情。

Kelli表示當日佢走入禾頓房間後,傾咗正經事無耐,禾頓就露出獸性:「佢壓我去床上,用屁股同大腿壓喺我身上。之後佢開始強吻我個嘴、頸同胸部,我不停大叫唔好,但佢笑住繼續壓喺我身上,仲不斷狂摸我嘅胸部同下體,仲用佢下體摩擦我大腿。之後我終於鬆脫,想開門離開時,佢突然從後捉住我,再次壓住我同摸我身體。到佢摸夠後我終於走出酒店房,之後聽到佢講:『今日好開心見到你』。」

之後因為工作關係,Kelli並冇即時報警,不過之後每次於工作場合見到,禾頓都會用下流嘅聲音同Kelli打招呼,仲強吻同擁抱Kelli,Kelli終於忍無可忍決定告佢性侵。

禾頓今年39歲,曾經打過NBA打過湖人同騎士,14至16年曾當勇士助教,16至19年就係湖人主教練。佢剛上任為帝王主帥,諗唔到畀人告上法庭。禾頓已經結婚並育有2名子女,Kelli表示自己同禾頓妻子亦都認識。

東網體育FB同你追實體壇每個精彩時刻!

http://bit.ly/2ecTF2A 

支持本地運動員,一齊去「睇體」!

https://bit.ly/2DxX4XI 




來源 source: http://hk.on.cc
鍾意就快D Share啦!