2019年7月25日 星期四

【元朗恐襲】目擊者親述恐怖經歷 大讚青年衝出車廂勇救落單市民 __,元朗恐襲,

7.21日元朗西鐵站發生恐怖襲擊,大批白衣暴徒闖入車站及月台無差別圍毆乘客,釀成45人受傷。當晚元朗站變成「無警」區域,逾千白衫暴徒持武器見人就打,大 ...


7.21日元朗西鐵站發生恐怖襲擊,大批白衣暴徒闖入車站及月台無差別圍毆乘客,釀成45人受傷。當晚元朗站變成「無警」區域,逾千白衫暴徒持武器見人就打,大批手無寸鐵的乘客恍如坐上「屍殺列車」,遭暴徒圍毆,車廂滿地鮮血,不斷傳出呼救聲及喊聲,市民致電999求助,只換來一句「驚就唔好出街」。



目擊者梁先生憶述當晚的恐怖經歷,指自己當晚近11時在元朗食完飯後便到元朗西鐵站乘車回屯門,他抵達大堂時僅見到大批白衣人與黑衣人發生爭執,互相指罵,但未見白衣人用木棍追打市民,「上到去月台就見到有部列車停喺度,點知入咗車等咗分零鐘,架車都唔閂門,其他乘客就凸個頭出去望,點知就見到兩班人喺度打緊」。他隨即跟其他乘客走回車廂躲避,大約數分鐘後,大批白衣人便手持藤條及木棍衝上月台,「架車唔閂門,佢哋(白衣人)不停咁企喺車門出面不停掉嘢,尿袋(無線充電噐)呀、水樽呀、棍呀係咁掉入嚟,企喺前面嘅男人就即刻開遮擋」。



他指現場一片混亂,有人被白衣人的木棍或硬物打中受傷,站在車廂中間的女乘客又不停尖叫,驚惶失措,不停退到車廂「最入」的位置,車上有乘客見狀,立即按動車上的緊急掣,希望車長能夠盡快關上車門,惟一直都未有人回應,「嗰陣成個月台都冇港鐵職員,警察一個都冇,有啲白衫佬不停掉嘢,又一棍打落嚟,大家都叫佢停手,但無幾耐個白衫佬就俾佢啲同伴拉開,叫佢哋唔好搞車廂入面啲人」。



其間,一名黑衣男子跌倒在月台上,被多名白衣暴徒圍毆,又用雨遮及木棍襲擊,一名孭黑色背囊的青年乘客不齒白衣暴徒的暴行,突然衝出車廂,將黑衣男扯回車廂。梁先生讚揚該名乘客勇敢,冒着生命危險衝出車廂救人,「我諗喺嗰一刻冇邊個人好似佢咁,咁勇敢」。



大約數分鐘後,列車終於關門並向屯門方向開出,有數名乘客被白衣人打傷流血,附近的乘客見狀立即用生理鹽水及紗布替他們包紮,「去到朗屏嗰陣先至見到幾個港鐵職員,叫啲受咗傷嘅乘客落車治理」。他形容涉事車廂尤如戰場,滿地血跡及雜物,染血的紗布、只剩遮骨的雨遮、頭盔滿佈地上,多名乘客即使離開元朗站仍有餘悸,心情久久未能平伏。至屯門總站時,他見到女車長下車,有乘客隨即上前質問她.為何在事發時不關上車門,任由白衣男衝入車廂襲擊無辜的市民,她僅不發一言離開,未有回答在場乘客的質問,「掂行掂過」。



回憶今次血洗元朗事件,梁先生慶幸自己未有受傷,但對事件表示憤怒,不明白西鐵站發生如此嚴重的暴力事件,為何現場未有任何警察出現,譴責一切暴力事件,又指不應牽連無辜的市民,「成件事都好荒謬,真係無可能一個警察都冇,講真打完又點,咪又係兩敗俱傷…希望今次呢件事可以喚醒好多人,如果再唔行出嚟,假設有一日你行過,或者屋企人行過,面對呢件事時,可能已經係太遲,唔係而家未燒到自己嗰疊,你就唔去關注呢件事,其實好多嘢你唔走出嚟,你係唔會知道真相」。



【每周送10萬】

升級壹會員獨家尊享,立即參加10萬火急大抽獎!

*推廣生意的競賽牌照號碼:52302-9



你敢爆,我敢獎! 立即WhatsApp《蘋果》24小時爆相爆片熱線致電:63836568





有市民見義勇為,衝出車廂救人。讀者梁先生提供 有市民見義勇為,衝出車廂救人。讀者梁先生提供
大批白衣暴徒在月台掉雜物入車廂。讀者梁先生提供

大批白衣暴徒在月台掉雜物入車廂。讀者梁先生提供
有市民跌倒在地上,遭白衣暴徒圍毆。讀者梁先生提供

有市民跌倒在地上,遭白衣暴徒圍毆。讀者梁先生提供
車廂內滿地血跡及雜物。讀者梁先生提供

車廂內滿地血跡及雜物。讀者梁先生提供
染血的紗布、只剩遮骨的雨遮、頭盔滿佈地上。讀者梁先生提供

染血的紗布、只剩遮骨的雨遮、頭盔滿佈地上。讀者梁先生提供
大批市民在月台「觀戰」。讀者梁先生提供

大批市民在月台「觀戰」。讀者梁先生提供

鍾意就快D Share啦!
Related Posts Plugin for WordPress, Blogger...