網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年7月5日 星期五

【引渡惡法●LIVE】千人遮打花園集會守護孩子 何韻詩上台:香港人擁有強大意志 __,何韻詩,

許頌明攝
反修例風波六月至今,曾發表「母親論」的特首林鄭月娥卻對4名反送中年輕人輕生絕口不提,對社會訴求置若罔聞。一班港媽再度站出來,今晚在遮打花園舉辦集氣會, ...


反修例風波六月至今,曾發表「母親論」的特首林鄭月娥卻對4名反送中年輕人輕生絕口不提,對社會訴求置若罔聞。一班港媽再度站出來,今晚在遮打花園舉辦集氣會,「要話畀年輕人知,我哋喺一齊嘅」,並要求港府放下傲慢,尊重生命,回應訴求。有爸爸上台分享時哽咽:「今次係我人生第二次流咁多眼淚。但今次眼淚背後,係畀咗我哋希望,呢啲希望係年輕人畀我哋嘅,要多謝年輕人」。《果燃台》正進行直播。

相關新聞:【勿忘初衝之一】走出抑鬱症陰霾 情緒病急救員:運動讓我找到生存目標



直播平台

《果燃台》直播

《蘋果》facebook

《蘋果》YouTube



今次是繼6.12警方開槍鎮壓學生後,一群香港母親再度舉辦集會。集會今晚約7時20分開始,有過千人出席,大部份人身穿黑衣,並為早前輕生的4名反送中年輕人默站一分鐘。大會又向出席者派發布條,在布條上寫上心聲和打氣說話,隨後再將不同的布條打結,象徵與年輕人連結、同行。同場亦有打氣機,展示網民和一眾媽媽的打氣說話。

相關新聞:【引渡惡法】留台港女生變逆權小花 怒火逼上社運列車



大會媽媽主持Linda和Dorothy說,作為母親,若孩子發脾氣和不開心,都會希望給予孩子溫暖和愛,為孩子打氣,「無論處境幾難,成個6月嘅風風火火,我哋都行過咗,係時候錫下自己同身邊人,我哋要話畀年輕人知,我哋喺一齊嘅,係年輕人畀希望我哋」。她們指,政府7.1當日話希望修補關係,但至今仍未見行動,故發起今次打氣會,「香港人不嬲都係靠自己」。



上台分享的林先生多番哽咽,「人生第二次流咁多眼淚,第一次係89六四,第二次就呢幾日。30年前我覺得係無希望,但今次眼淚背後,係畀咗我哋希望,呢啲希望係年輕人畀我哋,我哋要多謝呢班年輕人」。他續指,7.1遊行經過立法會,見到學生們在衝擊感到十分擔心,「我同啲年輕人講,小朋友乖啦唔好咁樣,個政權就係想我哋咁做,佢會打你哋、捉你哋去坐監架,但啲小朋友、10幾歲嘅學生話,我哋連死都唔怕架啦坐監怕咩喎,我哋乜都無架啦。點勸佢哋都無法子⋯⋯」。他說,今次是漫長的仗,要支持年輕人,「話畀佢哋知,我哋有好多選擇,將來係屬於佢哋。呢個政權乜都驚,我哋就要放鬆、掉轉心態,唔好再喊,要笑住抗爭。啲年輕人咁有創意,不如下次一齊唱住歌,然後每人送上10隻雞蛋,將立法會變成黃色蛋糕,係我哋最愛嘅顏色」。



首名上台發言的歌手何韻詩說,十分感謝願意站出來的香港人和年輕人,面對強大的機器和高牆,雖然一個人的力量很渺小,但仍可以將自己小小的空間,變成發聲空間。她說,希望年輕人知道,可以感失望和疲累,但要照顧好身心,「你哋改變咗我嘅一生,無論係2014年傘運定今日,都見到年輕人喺度進步。每一小步咁向前行,年輕人要將視線拉遠,而家可能覺得好似做咩個政府都無動於衷,但所做嘅每一樣,都喺度影響緊其他人。越多人出保護年輕人,年輕人就可以繼續行落去」。她又表示:「即使有多渺茫,但香港人擁有強大意志。」



樂隊Boyz’ Reborn在集會上獻唱於6.16之後所創作的《夏愨道》、《給憂鬱的你》。主音Ben於集會分享他的經歷,Ben指自己為抑鬱症患者,現時每日都要靠藥物來穩定情緒,他指香港最近有很多絕望的人,過去的6月是他覺得最難捱的一個月,「身邊嘅人同埋屋企人都唔明白,會覺得好辛苦、好難受」。



Ben又透露於7.1當日他曾走到天台,但最後也忍住了,「唔希望再有任何一個人因為呢件事而犧牲,自己都要繼續頂落去,有人話黎明前嘅黑暗係最黑最漫長,我唔知道有無黎明,唯有活着先見證到一切發展」,台下集會市民一度為他打氣,Ben指他承諾會跟大家一齊走落去,亦接受不到任何人再因此而離開。



早前曾喝罵警察的「霸氣哥」曾建峰,他指近期香港人已經很「攰」,又指最近大眾需要四出尋找萌生死念的人士,他呼籲市民要繼續撐下去,不要讓同路人更加「攰」。曾建峰又表示,父親曾是警察,在貪污盛行之時保持廉潔,甚至在偷渡潮期間會為偷渡者送水,他指這才是自己心目中的正直警察。參與集會的陳先生在台上向年輕人躹躬,他認為香港政府需要為6.12成立獨立調查委員會,調查開槍的責任,他又指北京政府是欠了香港人一個普選的訴求。



作為母親的韓小姐表示在雞蛋與高牆之間,她必然是站在雞蛋的一方,「咁緊係幫學生啦,依家就算衝立法會,錢銀都係小事,但政制暴力先係問題,事實上啲學生無錯,但最慘係會畀人話」。韓小姐直言不屑政府所作所為,「林鄭自己做錯事都唔負責,搞到今日咁最衰係林鄭月娥」,認為政府應釋放所有被捕的年輕人,「係佢迫到班學生出嚟㗎,同埋依家佢哋咁絕望,我哋做大人都有責任,我哋無保護好佢哋」。



鄧小姐表示今晚出席集會是為了表達對年輕人的支持,「其實都唔剩係年輕人嘅事,而係所有香港人嘅事」,她指政府現時污名化年輕人,站出來是為了讓他們知道他們並不孤單,「仲有好多人同你哋喺埋一齊」。鄧小姐直斥政府無恥,「佢嘅政綱話要與青年同行,但發生咁大件事,但佢無好好咁去了解前因後果,只係一刀切話係暴動」。對於有人因反送中而離世,鄧小姐直言感到很難過,「希望唔會再有呢啲事發生,希望大家都可以一齊向前望,你永遠唔知之後會發生咩事」。



60歲的陳婆婆雖然沒有子女,但仍然希望能盡自己所能做的事,故特地前往出席集會,「我估依家已經去到臨界點,我無怪到班後生仔,用咗咁多方法政府都唔聽,警權又過大,先會搞到今日咁」,她又指當政府越打壓年輕人,大人便越需要站出來,「我哋唔想再有年輕人犧牲,睇住佢哋時會覺得好對唔住,剩係得班後生仔衝,我哋班大人去咗邊呢?」對於有人為此而離開人世,陳婆婆直言傷心,本身體弱多病的她過去也有尋死的念頭,「但當有第一個人離開咗之後,我就無咗呢個念頭,我一定要代佢哋繼續行落去」。



集會除了有媽媽出席外,亦有父親陪同妻子出席,杜先生表示現時要利用群眾壓力去迫使林鄭作出承諾,「佢啲模棱兩可嘅回應香港人絕不接受」。杜先生指7.1衝擊立法會的示威者並非肆意胡亂破壞,「而係有目的去破壞啲有權力象徵意義嘅物品」。他又可惜有年輕人因此而離世,「真係唔好再用咁嘅方法,我知道年輕人嘅壓力係非常大,有無力感同絕望感,我哋都好努力係唔同圈子勸緊年輕人,死嘅應該係政權」,勸勉年輕人不要放棄,「因為你哋做緊岩嘅事」。



在6.12衝突力勸警察收隊的英勇媽媽陸錦城批評,林鄭月娥至今未回應3名反送中人士輕生,足見其麻木不仁,視人命如草芥,在7.1佔領立法會前,她作為政府首長,應現身化解危機,卻任由立法會內警察應付示威者衝擊,「立法會得幾十個警察,示威者同警察都危險,如果佢(林鄭)當警察係自己人,就應該出來解圍,佢蹺埋雙手作壁上觀,自己人都唔理,佢對學生係歹毒,對警察都係歹毒」。對於佔領立法會,陸錦城反問,「立法會係玻璃重要,定係規矩重要?相對破壞立法會,破壞立法會秩序係咪更嚴重?如果要拉,係咪要判咗破壞規矩嘅人先?」



立法會議員張超雄表示,成年人的不斷漠視,迫使年輕人以破壞行為回應,期待媽媽的呼喚可喚醒林鄭的母性,做一個會保護下一代的特首。他又批評,林鄭用「拖字訣」不能解決問題,反會令出路越來越少,失去公眾信任,亦會令年輕人感到絕望,屆時回頭已經太遲。



24小時求助熱線︰

香港撒瑪利亞防止自殺會熱線︰23892222

撒瑪利亞會熱線︰28960000

生命熱線︰23820000

東華三院芷若園熱線︰18281

社會福利署熱線︰23432255

醫院管理局精神健康專線(24小時精神健康熱線諮詢服務):24667350

明愛向晴熱線:18288

賽馬會青少年情緒健康網上支援平台「Open噏」: http://www.openup.hk



許頌明攝 夏家朗攝 夏家朗攝
民陣召集人岑子杰(右)亦有參與集會。馬泉崇攝

民陣召集人岑子杰(右)亦有參與集會。馬泉崇攝
大會向參與集會的市民派發布條,寫上自己的訴求。馬泉崇攝

大會向參與集會的市民派發布條,寫上自己的訴求。馬泉崇攝
大量市民在遮打花園參與活動。馬泉崇攝

大量市民在遮打花園參與活動。馬泉崇攝
夏家朗攝

夏家朗攝
夏家朗攝

夏家朗攝
參與者在集會開始前為反送中而輕生的人士悼念。馬泉崇攝

參與者在集會開始前為反送中而輕生的人士悼念。馬泉崇攝
馬泉崇攝

馬泉崇攝
馬泉崇攝

馬泉崇攝
馬泉崇攝

馬泉崇攝
馬泉崇攝

馬泉崇攝
馬泉崇攝

馬泉崇攝
夏家朗攝

夏家朗攝
夏家朗攝

夏家朗攝
王心義攝

王心義攝
王心義攝

王心義攝
王心義攝

王心義攝
王心義攝

王心義攝
王子俊攝

王子俊攝

鍾意就快D Share啦!