2019年8月21日 星期三

【元朗恐襲1個月】警執法偏頗零檢控 受襲者未康復 矢言告一哥討公道 __,元朗恐襲,

白衣人、藤條、西鐵站,7.21晚上的畫面相信在不少港人腦海中揮之不去。有受襲者被打至皮開肉綻,傷口仍未完全復原,不能長時間站立,手亦無法握拳;亦有受襲 ...


白衣人、藤條、西鐵站,7.21晚上的畫面相信在不少港人腦海中揮之不去。有受襲者被打至皮開肉綻,傷口仍未完全復原,不能長時間站立,手亦無法握拳;亦有受襲者稱「心理創傷大,見到白色衫嘅人都會怯一怯」,不敢踏足元朗。但對他們來說,這個月來,兇徒仍未繩之於法、無人被落案檢控、警方冷處理事件、「39分鐘」論、還有多區再次出現白衫藍衫紅衫人襲擊市民事件,更令他們痛心。有受襲者指事後警方稱需重聽當日所有報案電話才可開展錄口供程序,形容警員錄口供「選擇性記錄」,而至今仍未就此落案起訴任何人,明言不排除控告「一哥」,希望可就事件討回公道。

相關新聞:【元朗恐襲1個月】《蘋果》直擊南邊圍 村內佈天羅地網防侵襲



記者 周詠雯 程詩敏



「我當晚唯一可以做嘅嘢,就係(在西鐵站)望住個窗,睇吓有無警察嚟,但係到最後警察都係無嚟到。」721其中一名受襲者梁先生,手、頸及後腦均有傷。遇襲後回家因頭暈頭痛,需召救護車入院。直至訪問當日,梁先生指手部「撳落去仲痛,有啲痹」。除了身體受傷,梁生的心靈亦受害,「你會好敏感,唔知邊啲人係正常,邊啲人會打你」。當日到元朗和朋友「飲嘢」的他,近兩星期沒有到過元朗,遇襲後一個星期亦無踏足西鐵。「我喺呢個社區長大,有好多朋友喺度,但我無落到嚟元朗」,事件發生後,梁生更有朋友送贈長遮及鼓棍傍身。

相關新聞:【元朗恐襲1個月】公義不彰 《人權法》保障不了香港人權



「其實去到而家都要拎㗎!」雖然傍身物品不再是鼓棍長遮,但梁生至今仍習慣在袋內放入「大件嘢」,以防再次受襲時可舉袋抵擋攻擊。訪問當日,梁生袋內就放有一對鞋,「有時候可能係電腦、可能係書,因為你真係唔知幾時會有呢啲事情發生」。防備陌生人之餘,亦對警察作防備,「而家啲警察咁暴力,你都唔知幾時無啦啦會俾佢哋打到」。



梁先生在事發後數日被邀約到警署錄口供,「點解咁遲先搵我呢?因為佢話21、22號晚佢要聽返晒啲報案電話,搵返資料先知有我存在」。警方此舉已令梁生大感荒謬,而錄口供當日因交通問題未能到達警署區域,被警員建議轉到一輛私家車內錄口供,而其間警員亦選擇性記錄。「我講『有人喺閘外面打人、白衫人打人,有啲乘客就開水喉驅散佢哋』,但佢寫嘅版本就係『見到一班白衫人,然之後開水喉射向佢哋』」,形容「將中間啲前因後果skip晒」,認為警方處事不太專業。



另一名在7月21被襲撃的張先生,當日頭、手、背、腳均被打傷,當中手肘位被打至爆開,需縫6針。一個月過去,張生現時「左手係揸唔到拳頭、發唔到力」;左腳亦無法長期站立及長時間走路,張形容「係未可以正常使用」。居於元朗的張先生,出入時常依賴西鐵,受襲後兩星期「都唔係好想搭西鐵」,驚慌之餘雖然有想過攜帶行山杖或棍傍身,但因害怕違法而作罷。



事件距今雖已一個月,但張指,警方替他錄口供後,至今尚未有實質跟進,張亦批評警方在接報後39分鐘才到達現場,至今仍未解釋清楚事件。「由6點鐘開始已經有好多人通知警方會有事發生……但係佢哋選擇坐視不理」,直言「好憤怒」,認為警方在元朗及多個地區,對持木棍及武器襲擊市民的社團人士視而不見,批評警方「完全荒謬」。又反問警方只拘捕20多人,「點解只係非法集結罪?」張指現時已有律師處理控告警務處長盧偉聰事宜。



同樣被打的馬生,手和頭均被打傷,手掌及手臂均有大面積瘀傷。「真係好難想像過香港呢個咁現代嘅社會係會發生咁嘅事」,可惜襲擊事件接二連三,馬生認為與元朗恐襲事件被冷處理有莫大關係,「警方咁樣縱容,先會令到為惡者肆無忌憚」,並強調自己堅持追究政府及警方,同時希望向警方索償,「唔係為自己,係為咗成個社會」。



至於當日因得知白衣人衝進站內,覺得事件太令人髮指,所以走到閘機前與白衣人對罵的Anson,最終被人用藤條打腫頭顱。「我覺得我嗰刻係有衝動,但我係抱住心入面一份正義感先走去鬧白衫人士。喺醫院有便衣警問有無人未錄口供,我無出聲,因為我後日去旅行,同埋驚會俾警察告集體毆鬥不能出境。」事發後已聯絡港鐵要求賠償,現已交第三者責任保險公司跟進。



截至8月19日,警方就元朗恐襲一案拘捕28人,但暫時未有人被起訴,「成件事我嘅憤怒係無停止過。」梁生道。「呢班人有晒片、手持住武器,你竟然唔拉佢哋,呢一個係不能接受」,批評警方處事不公,「幾時先還個公道畀我哋」。梁亦指,警方執法偏頗、冷處理721事件,不排除控告警務處長盧偉聰,「我亦都好樂意咁做」,希望還受襲者一個公道。



-----------------------------

【每周送10萬】

升級壹會員獨家尊享,立即參加10萬火急大抽獎!

*推廣生意的競賽牌照號碼:52302-9





梁先生批評警方現時仍未就721事件作出交代,明言有機會會控告「一哥」,希望可就事件討回公道。李子健攝 梁先生批評警方現時仍未就721事件作出交代,明言有機會會控告「一哥」,希望可就事件討回公道。李子健攝
一個月過去,梁先生仍隨身攜帶一些大件物件,以防再次被打可「頂一頂」。訪問當日,梁生在袋內裝了一對鞋。李子健攝

一個月過去,梁先生仍隨身攜帶一些大件物件,以防再次被打可「頂一頂」。訪問當日,梁生在袋內裝了一對鞋。李子健攝
受害者Anson事發後已聯絡港鐵要求賠償,現已交第三者責任保險公司跟進。李子健攝

受害者Anson事發後已聯絡港鐵要求賠償,現已交第三者責任保險公司跟進。李子健攝
張生當日背部亦被打至傷痕纍纍。受訪者提供圖片

張生當日背部亦被打至傷痕纍纍。受訪者提供圖片
張生當日手肘被打至皮開肉綻,需縫8針。受訪者提供圖片

張生當日手肘被打至皮開肉綻,需縫8針。受訪者提供圖片
馬先生當日手部被打至瘀腫,頭部亦受攻擊。受訪者提供圖片

馬先生當日手部被打至瘀腫,頭部亦受攻擊。受訪者提供圖片

鍾意就快D Share啦!