2019年9月6日 星期五

出席樹仁大學罷課集會阮民安問林鄭點解撐警暴「唔好耍我」 __,林鄭,阮民安,

Tommy昨日到樹仁大學罷課集會分享,他表示上周收到邀請就立刻答應。
Tommy昨日到樹仁大學罷課集會分享,他表示上周收到邀請就立刻答應。逆權運動展開近三月,特首林鄭月娥前日宣佈立法會復會後,撤回《逃犯條例》修訂,卻無視 ...


逆權運動展開近三月,特首林鄭月娥前日宣佈立法會復會後,撤回《逃犯條例》修訂,卻無視其餘四大訴求。一直走在前線的阮民安(Tommy),昨天獲邀到樹仁大學的罷課集會分享,他直言不會收貨,對於林鄭表示會落區聽取民意,Tommy說:「其實好想問吓警員濫暴、拘捕市民,呢啲行為係咪你去支持嘅呢?希望特首可以正面答我,唔好耍我。」

相關新聞:金義聖撐港人抗爭到底

踏入9月,大專院校紛紛開學,不少學生在發起罷課抗爭,阮民安昨日與袁天佑牧師及青年新政召集人梁頌恆,獲邀到樹仁大學的罷課集會分享,Tommy接受訪問時說:「佢哋上星期邀請我嚟,我第一時間答應,我覺得兄弟爬山,各自努力,每個動作都係一個支持,所以我能夠參與或者需要到我,我都會盡力出席。」



Tommy特地到民主牆貼memo,寫上「五大訴求,缺一不可」表達意見。 Tommy特地到民主牆貼memo,寫上「五大訴求,缺一不可」表達意見。
Tommy上周六到銅鑼灣busking,吸引不少人圍觀。資料圖片

Tommy上周六到銅鑼灣busking,吸引不少人圍觀。資料圖片
Tommy與太太Eva早前帶兩個囝囝到連儂牆,從小教導他們民主意識。資料圖片

Tommy與太太Eva早前帶兩個囝囝到連儂牆,從小教導他們民主意識。資料圖片

轟語言偽術

特首林鄭月娥前日發表電視講話,提出四項行動,第一是宣佈保安局局長在立法會復會後,會根據《議事規則》撤回《逃犯條例》修訂,Tommy直言不會收貨:「佢喺度語言偽術,佢話撤回但係太遲啦,佢應該喺6月9號講,呢幾個月就唔會演變呢啲事。其實唔單止《逃犯條例》,香港每一個政府部門都咁腐敗,去到呢一刻相信仲有好多訴求,係需要去解決先可以停落嚟。」

林鄭其中一項行動是與司局長落區與市民對話,Tommy表示願意跟特首對談:「佢所謂嘅落區都係大龍鳳箒,就算搵兩個人加入監警會嘅都係自己人嚟,所以我覺得真正想聽民間訴求,就是但搵一晚落去集會嘅地方,或者每間大學是但一個地方,睇吓佢夠唔夠膽咁做。」問Tommy想跟林鄭傾甚麼?他說:「其實好想問吓警員濫暴、拘捕市民,呢啲行為係咪你去支持嘅呢?點解可以去到一個咁冇人性嘅表現?究竟係邊個畀權力或者命令佢哋咁樣做嘅呢?呢啲係好冷血嘅行為,希望特首可以正面答我,唔好耍我。」

Tommy又表示自己之前去過不少遊行及集會,也有在網上做文宣打氣:「每個人有唔同嘅崗位,我最主要係想分享,呢件事差不多三個月,大家有傷心、有憤怒、有失望。」Tommy認為去到一個位置要放鬆一下:「我哋做藝人希望帶娛樂畀大家,係好重要。我8月31號去咗銅鑼灣busking,大家好開心,雖然之後又催淚彈又水炮車,但起碼喺嗰50分鐘入面大家得到少少放鬆,我諗我係咪要做多啲呢?」

相關新聞:何韻詩榮幸被「香港人」招呼



免費音樂會

Tommy指最近在網上收到很多不同的訊息,都向他訴說不開心兼好大壓力,更有人稱想自殺,所以他計劃搞一個音樂會:「年輕人做咗好多嘢,希望可以畀年輕人娛樂一下,呢個騷小學、中學同大學生完全免費入場,在職人士就會有個97價,可能280至380蚊就可以睇騷。」

採訪:羅慧敏

攝影:陳慧安




鍾意就快D Share啦!
Related Posts Plugin for WordPress, Blogger...