2019年9月20日 星期五

【逆權運動】譚詠麟被拒入座真相 《蘋果》向伙記FC:我叫佢排隊 __,蘋果,譚詠麟,

不願上鏡的伙記指沒有因政見問題趕走阿倫,只是要求對方排隊。
譚詠麟(阿倫)今年6月尾因為出席撐警活動而激嬲歌迷,被歌迷鬧爆離棄。而今日就有網民在facebook留言,指阿倫今日到灣仔一間餐廳食午飯,但最後被良心 ...


譚詠麟(阿倫)今年6月尾因為出席撐警活動而激嬲歌迷,被歌迷鬧爆離棄。而今日就有網民在facebook留言,指阿倫今日到灣仔一間餐廳食午飯,但最後被良心食肆趕走。

相關新聞:【逆權運動】被捕骨折者求醫遭警留難 醫護斥傷勢唯一可能遭虐打



網民留言表示:「剛剛係(喺)灣仔新景園食飯,排咗25分鐘入座,坐低後叫埋嘢食見到個帶住cap帽,太陽眼鏡嘅譚X麟直入舖內搵事頭婆,唔洗兩秒就走番出門口,原來係事頭婆話冇位,唔做佢生意,之後伙記哥哥大大聲講以後咪X再嚟,全場鼓掌後例牌玩下接龍。」差不多時間,另外有人開post講到此事:「原來係頭先有個成日自稱25歲姓譚嘅Cap帽啊伯走入嚟話想買外賣,然後俾店員請佢走,話唔做冇良心的人生意。」



《蘋果》記者今日下午到新景園去Fact Check(FC),餐廳正落場休息,記者問職員阿倫今日是否曾光顧?一位不願上鏡的伙記表示不清楚,指負責人不在場。而另一位同樣不願上鏡的伙記就表示阿倫今日確曾光顧,並說:「佢係嚟過,但就唔係你講到咁樣,間舖你都見啦,豆腐膶咁細,出邊又排晒隊,佢入嚟話想食嘢,咁我咪叫佢排隊囉,好合情合理啫,係咪先!我叫佢排隊,跟住佢望一望,見到咁多人,出番去,就係咁簡單,成件事就係咁。」

相關新聞:【逆權運動】隨機拘押 濫捕濫射!克警向民居記者亂射催淚彈



對於網傳伙記鬧阿倫及食客拍掌,問有沒有此事,伙記否認:「冇啲咁嘅事,冇啲咁嘅事。」換言之不是因為政見不同而趕走阿倫?伙記說:「唔係,我冇理由因為一個客人而趕走一枱客畀佢食㗎嘛,係咪先,咁食嘢梗係要排隊㗎啦,好合理啫,記住呀,真係同黃藍冇關係㗎,唔好亂寫呀!」那麼阿倫是否該店熟客?伙記說:「好多年前佢係耐唔耐嚟食,但近年都少咗,佢都唔算熟客嘅。」



攝影:徐錦池



-----------------------------



-----------------------------



新景園伙記證實阿倫今日曾光顧,不過當時排長龍而店面小,伙記示意要阿倫排隊。 新景園伙記證實阿倫今日曾光顧,不過當時排長龍而店面小,伙記示意要阿倫排隊。
阿倫有段時間經常幫襯,不過近年次數減少,上年6月阿倫貼過當時在餐廳內食飯相。

阿倫有段時間經常幫襯,不過近年次數減少,上年6月阿倫貼過當時在餐廳內食飯相。
網上瘋傳阿倫今日被餐廳老闆娘趕走,現場食客還鼓掌。 (facebook截圖)

網上瘋傳阿倫今日被餐廳老闆娘趕走,現場食客還鼓掌。 (facebook截圖)

鍾意就快D Share啦!
Related Posts Plugin for WordPress, Blogger...