2019年10月1日 星期二

【亂市投資攻略】記住三個恒指入市位 股榮:港鐵、港交所仍供得過! __,港交所,港鐵,

一連兩場《亂市投資攻略》分享會圓滿結束。第二場分享會有逾百人出席,蘋果日報投資專欄作家股榮、瑞萬通博上市產品銷售部主管翁世權,以及蘋果日報投資專欄作家 ...


一連兩場《亂市投資攻略》分享會圓滿結束。第二場分享會有逾百人出席,蘋果日報投資專欄作家股榮、瑞萬通博上市產品銷售部主管翁世權,以及蘋果日報投資專欄作家唐牛無私分享絕密投資大法。

相關新聞:【亂市投資攻略】預言「恒指攬炒價」2萬點 沈大師:未來5年 一定要揸黃金!



上星期沈大師睇恒指最差見20,000點,股榮今場分享會就引用黃金比率推算,話大市會回調,稱「唔好all-in,記得要分注買貨」,三個入貨位分別是25,000點、22,000點,以及19,000點。



股榮指,亂市下港鐵(066)、港交所(388)仍然供得過。至於幾時開始月供股票大計?股榮大爆金句話「幾時開始月供並唔重要,最重要係幾時走」。



至於未來十倍股係邊幾隻?股榮話要留意三大板塊,分別是保險、醫藥及數據相關股。



輪證部署方面,翁世權話「有咩高風險得過同股票談戀愛」,稱短線輪證部署嘅風險唔一定大過長線持有正股。佢又教路輪證出現大成交,有可能係高頻交易導致,但高成交等於高成本,提醒壹會員睇流動量比較重要!分享會期間,翁世權提到一隻美團牛證,話近期有好多資金流入,帶挈唔少人賺錢。



擅於揀「新高股」嘅唐牛教路,炒新高股關鍵在於「憧憬」,好似新地(016)咁,本來憧憬新地能夠在中美貿易戰下獨善其身,而且有穩定高息回報,點知今時今日本港零售市道急轉直下,新地商場又變成逆權運動戰場,見勢色唔對,佢都止蝕離場。



三位名家大講入市攻略,壹會員專心抄筆記,mark實啲止賺位,仲踴躍發問,投資分享會陸續有來,壹會員萬勿錯過呀。



重溫網址:

蘋果ATM

蘋果YouTube

-----------------------------

基金資料大集合 一書幫你贏盡強積金

點擊即睇《贏盡強積金》電子書




鍾意就快D Share啦!