2013年11月13日 星期三

禁區直擊 少時 Jessica撞柱休克半個鐘 少時,Jessica,少女時代,MF,




少時 9位女神,週日( 10日)晚,唱完一連兩場港騷後,即趕去機場搭飛機返首爾。但入閘後,行到去禁區購物商場範圍, Jessica(箭嘴)竟被韓籍保安誤當狂迷,大力推撞 Jessica令佢撼埋鐵柱,當場暈低。經理人小房(孭背囊者)即上前遮住 Jessica,以防佢嘅暈樣俾人影到。現場大部分目擊慘劇嘅粉絲都忍唔住尖叫。網上圖片

FBI

禁區直擊 少時 Jessica撞柱休克半個鐘

韓國爆紅女團少女時代(少時),上週五( 8日)晚,大軍來港為一連兩晚喺香港亞洲博覽館開演唱會,不過未開騷已有少時隊員搞出事,因為有香港傳媒影到,疑似 Jessica同泰妍孖住阿嬌前男友權寧一( K先生)去蘭桂坊夜蒲,其間為避記者,貌似泰妍嘅女子竟唔小心仆落垃圾堆,出曬醜。事後少時亦透過香港演唱會主辦單位寰亞拆彈,解釋少時落機後一直喺酒店休息冇夜蒲。

其他影片

最爆係 FBI索到,原來 K先生同 Jessica已暗撻 5個月,而喺呢 5個月期間, Jessica仲曾經秘密訪港 2、 3次探男友,今次 Jessica趁來港開騷,特登提早兩日來港密會 K先生。

拍拖夜蒲咁小事,當然唔會影響到少時精采演出。上週六( 9日)起一連兩晚開騷, 9位女神唔少得跳住唱飲歌〈 Gee〉、〈 The Boys〉、〈 I Got a Boy〉等,有二五就八畀 FBI聽,話一向體弱多病嘅 Jessica,今次來港後即患上感冒,但佢照樣死頂,夾埋其他隊友一齊出招冧歌迷,拋胸、曬腿、賣萌樣樣做齊,仲賣口乖:「我覺得香港特別浪漫,大家會叫我哋做『 Baby Baby』,又送糖果,令我哋每次來香港都好感動,香港好棒!」港迷唔癲曬就假!

不過黑開有條路,少時 9女唱完週日尾場後,即晚返韓國,但離港時卻喺香港機場發生意外。原來 Jessica入咗禁區後,竟被韓籍保安員誤當狂迷將佢推埋鐵柱,後尾枕撞柱嘅 Jessica當場休克,在場目擊「慘劇」嘅少時飯個個心痛到喊。而 Jessica好姊妹允兒同 Yuri知道 Jessica被撞暈亦忍唔住喊埋一份。半小時後 Jessica終於清醒,成班機卒之遲咗半粒鐘先起飛。好彩少時返到首爾後,經理人話 Jessica冇大礙, FBI都放心啲。

上週六( 9日),少時踩入博覽館開騷。開場冇耐,唱〈 Hoot〉嗰陣, 9位女神着住粉紅舞衣,又 fing手又趷籮同港迷做熱身。

隊長泰妍返到韓國後即上載整棉花糖嘅相,原來佢手中嘅棉花糖係用香港 fans送畀佢嘅棉花糖機整出嚟,證明泰妍好重視港迷啦。

出事前

入閘前,患咗感冒嘅 Jessica一直無厘神氣,要戴住黑超遮掩憔悴,沿途就由經理人小房(右)傍住行,而疑似撞暈 Jessica嘅韓籍保安(左)就跟尾。跟住 Jessica咁耐都認錯係狂迷,真係抵打啦!

揹上機

網上圖片

暈倒地上嘅 Jessica,最後由經理人小房扶起身,目擊者更向 FBI透露,小房要揹 Jessica上機,而目擊整個過程嘅粉絲都忍唔住喊。

少時咪精

除咗落力又唱又跳外, 9位女神間中亦會拋胸,其中 Tiffany同 Sunny向觀眾躹躬同放低水樽時就唔覺意露出事業線,超有睇頭。

Tiffany

Sunny

允兒貪玩

跳舞時好認真,但其實 9位女神開騷時都鍾意玩吓。

秀英飛吻

好似允兒見有金彩帶飄落嚟,就執起嚟想繑住前面嘅 Jessica。而秀英就經常送飛吻電暈男飯。

後巷夜蒲

《蘋果日報》圖片

有香港傳媒報道, Jessica(又有報道誤認作允兒)同疑似泰妍嘅少時成員,上週五( 9日)到港當晚即約埋阿嬌前男友 K先生去蘭桂坊蒲。其間為避記者,疑似泰妍嘅女子就失足跌落垃圾堆。事後 K先生就喺自己微博解釋報道所指嘅泰妍其實係佢表妹,不過有粉絲質疑真確性。 FBI講句公道話,相中女子係長「蔭」兼中間分界,而泰妍就係「劉海」,所以狗仔影到嘅應該唔係泰妍。

孝淵留港拍拖

少時另一成員孝淵原來亦有喺香港拍拖。少時完騷後個個急急腳坐飛機返韓國,得孝淵一個繼續留港,原來佢嘅 model男友 Jay亦嚟咗香港探女友班,所以孝淵咪唔返韓國住,留喺香港同男友 sweet sweet囉。

今年 5月孝淵同男友一齊嚟香港旅遊, K先生就帶佢兩個去 ifc睇吓佢嘅辦公室裝修進度,兼帶 2人食買玩。

孝淵男友亦唔避忌,出發前喺 instagram po咗準備出發去香港玩嘅相。網上圖片



鍾意就快D Share啦!
Related Posts Plugin for WordPress, Blogger...