掃呢頁CODE去手機

2013年11月13日 星期三

唔妥你 捉「姣 Wing」花名黑手 朱千雪暗箭黃心穎 朱千雪,黃心穎,MF,




朱千雪有民意撐,無綫即力穀朱千雪,唔只拍劇、拍電影,亦穀佢狂接商場騷賺錢,對於跟好姊妹關係,朱千雪接受訪問說:「我哋之前有成日見,不過冇上過佢屋企,佢屋企有狗,我怕狗!」

真面目

唔妥你 捉「姣 Wing」花名黑手 朱千雪暗箭黃心穎

兩位 12年好姊妹港姐,亞軍黃心穎和季軍朱千雪,剛剛放低港姐名銜開始全力進軍娛樂圈。

計起步,朱千雪首次拍劇即喺《 On Call 36小時 II》拍住吳啟華,在電影《大峽穀》就配張家輝。

估唔到黃心穎步步進迫,先憑穀胸相成為高登女神,再被多位監製睇中開劇,兩姊妹難分難解。本來各有各上位,但忽然有人喺電視城狂唱黃心穎發姣黐監製,仲改咗「姣 Wing」花名。你估真係當你姊妹咩?

佢做咩我控制唔到!真實對白

黃心穎呢輪當旺,上週四( 7日)喺節目巡禮,穀盡招牌事業綫,即使被問及有人篤背,依然笑曬。

25歲朱千雪同 24歲黃心穎分別係 12年港姐季軍同亞軍,二人亦因選港姐成為好姊妹,經常孖公仔出現。但其實出道以來,朱千雪一直較得民心,亦較受監製歡迎,先喺《 On Call 36小時 II》拍住吳啟華做女二,而最近亦忙拍電影《大峽穀》同戲帝張家輝有唔少對手戲,影視打孖上。

追趕姊妹

朱千雪上緊位、黃心穎等發圍,原本冇影響二人感情,但自從黃心穎喺網上自拍低胸相而被封為「心穎 BB」後,亦令一眾劇集監製留意呢位港姐亞軍。

心穎 BB急住上位,原來《 On Call II》她亦有份客串,而新劇《點金勝手》飾演黃宗澤前妻亦獲加戲,到下年重頭劇《再戰明天》亦會拍王浩信。黃心穎事業後上,不過負面新聞亦緊隨,傳出黃心穎成日發姣電監製,更有人幫佢改「姣 Wing」花名。

朱千雪和黃心穎二人喺選美期間成為好友,當年喺英國外景玩佳麗互篤淘汰,有指二人合力埋堆避過此劫。

早前心穎 BB出戰世姐,喺才藝表演最高排名去到 12,加上佢最愛自拍低胸照,令佢輕易成為新高登女神。

「佢做咩我控制唔到!」

黃心穎除咗拍劇,亦喺《學是學非》主持。除咗網友 like,亦令心穎 BB開始入屋。

對於被人周圍唱,黃心穎上週四( 7日)在無綫節目巡禮時說:「之前係有負面報道,我冇唔開心,只係有啲莫名其妙啫!(覺唔覺有人特登中傷你呀?)我冇諗過呢個問題,亦冇去諗邊個人,如果真係有呢個人嘅話,佢做咩我控制唔到,亦唔關我事。」暗箭難防呀!心穎 BB!

朱千雪急升女二

在上週《 On Call II》的宣傳活動,雖然黃心穎成功企埋朱千雪旁邊兼馬明後面,但實情係朱千雪係女二,黃心穎只係客串,心穎 BB又攞到靚位。

朱千雪喺《 On Call II》做女二,而黃心穎就喺劇中飾演情緒病人,雖然只得兩集戲,但同楊怡、馬明都有唔少對手場面。

朱千雪喺《 On Call II》做女二,就連海報排位,亦當眼過出道早過佢嘅黃智雯,她說:「監製話大家啲戲好平均,大家都會好搶鏡!海報事我唔知。」

朱千雪處女拍劇,即拍住吳啟華,喺《 On Call II》做女二,令唔少姐仔眼紅。

朱千雪有民意支持,就連《寒戰》兩位導演陸劍青、梁樂民亦睇中,新戲《大峽穀》亦預佢,戲中會同張家輝有唔少對手戲。

'14出擊

黃心穎拍緊嘅《點金勝手》會加戲,下年亦拍重頭劇《再戰明天》,同朱千雪距離拉近番。

未必包生仔

港姐係入行捷徑,但要上位都係睇自己本事,就算你係冠軍一樣可以坐冷板。好似 12年港姐冠軍張名雅,到𠵱家都係做 J2《姊妹淘》主持同上過《星夢傳奇》一集咁多。

行運組

陳凱琳'13冠軍

選完即被戲劇總監曾勵珍𥄫中,明年拍《廣東五虎》同《商戰》。

蔡思貝'13亞軍

性格爽朗,亦深得一眾監製賞識,下年同陳凱琳一齊拍《商戰》。

湯洛雯'12旅遊大使

當年大熱倒灶,但事業比張名雅更好,除做旅遊主持外,更喺《愛.回家》演形象好、佔戲多的李思思。

潛水組

劉佩玥'13秀軍

暫時未有劇拍及主持,只出席港姐親善活動。

歐陽巧瑩'13友誼小姐

為今年友誼小姐,可惜選美期間負面新聞不絕,除咗港姐活動外,暫時未有工作安排。



鍾意就快D Share啦!