2013年11月14日 星期四

同你死過 搶衫爭仔 許亦妮剝輸文凱玲 許亦妮,文凱玲,M1,




探熱針

同你死過 搶衫爭仔 許亦妮剝輸文凱玲

被踢爆搭上太陽集團高層盧啟邦的許亦妮,恃住男方公司是電影《喜愛夜蒲 3》的投資者,有份演出一角的她扮大牌又恰新人,甚至搶對手文凱玲( Connie)私夥衫極囂張犯眾憎。

雖然許亦妮公開呼寃扮無事,但原來她是知道男友在近數月一直暗溝文凱玲,於是擺明唔妥對方,又罔顧無綫禁忌,在戲中挑機鬥剝衫,為肉壓對手,以身犯險。

其他影片
宣示主權

專釣金龜的一一年港姐季軍許亦妮,被踢爆跟電影公司高層盧啟邦撻着後,高調大讚男友叻仔,公開關係宣示主權,以為藉此可杜絕對方繼續「覓食」,當知道男友跟《夜蒲 3》中的新人文凱玲原來有來往,即時打爛醋埕。

「老細(盧啟邦)大半年前已經開始鬱手追 Connie(文凱玲),但個女仔覺得佢身邊多女又鍾意玩,其實都冇乜表示;但俾 Witney(許亦妮)知道,所以對佢態度特別差,佢哋一齊拍《夜蒲 3》,喺其他人面前冇乜嘢,但得兩個人嘅時候, Witney就唔會睬佢,除咗試過搶衫,有日 Witney見 Connie著件T恤真空上陣,就即刻同導演投訴,佢覺得自己先係女主角,唔可以俾個配角搶鏡。」劇組人員說。



10月底,許亦妮被拍到坐男友盧啟邦價值四百多萬法拉利外出。

相隔數日,文凱玲將盧啟邦的啜爆相放上微博。

自動要剝

擾攘一輪後,許亦妮竟然自動要求唔著背心,改以喱士內衣褲騷 34C出鏡,為剝贏情敵,連隨時被無綫詐型都無有怕。

「本來大家都唔明點解佢一直對 Connie咁差,初時以為佢只係唔鍾意俾其他女仔搶鏡,所以乜都爭一餐,直到張相出咗嚟( Connie和盧啟邦嘴),先知佢視 Connie係情敵!」

收唔到科

被文凱玲以啜爆夜蒲照放微博示威還擊,但對多女的盧啟邦,許亦妮未想過要放手,只以「好驚嚇」形容啜爆相,擺明未死心留一線。可惜男友卻嬲爆:「我同佢(許亦妮)唔係拍拖。」

原來自拍拖以來,為保住有米水喉,許亦妮凡事千依百順,明知對方多女,亦採取忍字訣。

「 Andrew(盧啟邦)脾氣好大,有時甚至會當眾發脾氣,不過 Witney好忍得唔會出聲,就算明知佢有約 Connie,都唔敢同男友攤牌,所以穀埋穀埋發洩喺啲女仔身上。張(啜爆)相出咗街, Witney就算回應傳媒,都係點到即止,不過 Andrew好躁,仲即刻話要分手, Witney都唔知點收科。」知情者說。

對許亦妮男友盧啟邦一腳踏兩船追求, Connie在電話回應說:「我哋不嬲有聯絡,佢係咪追我?你哋問番佢。(知許亦妮同 Andrew分開咗?)我唔清楚喎。」隨即匆匆收線。

伍詠薇跟雨僑(右三)、 Barbie(左一)、 Celia K(右二)以及 Jeana(右一)跟許亦妮首次合作,眾女暗寸她擺老闆娘款,拍群戲時要人等罪證。

唐貝詩跟許亦妮認識多時,公開撐老友性格好。

許亦妮在英國讀書時已經有不少富貴男友,有米形象指導馬天佑是其中一個。



許亦妮跟文凱玲在《夜蒲 3》做一對好姊妹,暗地卻搶衫爭仔。

咬住唔放

娛樂圈唔襟撈,圈中女子一旦搵到個有米,定必出盡渾身解數,拑住唔放,務求早日上岸做阿太。

楊秀惠

工作表現欠奉的楊秀惠,搭上住半山豪宅從事金融的有米才俊後,為爭取更多時間拑住男友,獨沽一味做流行資訊節目《姊妹淘》主持,免得稍不留神,被人有機可乘。

沈卓盈

戰鬥型!未釣到富貴男友 Ray時,一樣長期保持作戰狀態,低胸騷腿搏到盡,即使感情發展穩定,沈卓盈除了唔介意公開戀情,更 mark實男友周圍去,收工即交人。



鍾意就快D Share啦!
Related Posts Plugin for WordPress, Blogger...