掃呢頁CODE去手機

2015年4月7日 星期二

性格不合分手 成龍重提鄧麗君遭炮轟 鄧麗君,成龍,BKD_S,





其他影片:>>






成龍近期出自傳,除咗大談同老婆林鳳嬌、吳綺莉嘅三角情仇,當中仲重提同鄧麗君嘅一段情,結果搞到俾鄧麗君哥哥鬧爆。

據台灣傳媒報導,成龍同鄧麗君於1979年相識,當時女方喺美國讀書,男方就喺當地拍戲,隨即火速撻著,不過為免影響工作一直保持低調,最後成龍同鄧麗君都係分咗手。成龍喺自傳中話係一個正確決定,因為「一開始性格就不同」。

有一次成龍同兄弟喺餐廳傾劇本,鄧麗君話想見佢,佢就叫鄧麗君坐埋一邊等,等咗成個鐘,鄧麗君忍唔住話有事走先,之後打電話俾成龍,話:「我看你並不需要我,你就跟你的兄弟們在一起吧。」

自傳出咗之後,鄧麗君嘅三哥得知成龍有寫到妹妹嘅事,覺得妹妹不被尊重,加上妹妹已逝世20年,無法證實內容,所以覺得成龍喺度「消費」鄧麗君,非常不滿。
鍾意就快D Share啦!