賭王四房公子何猷亨近期緋聞不絕，被爆先後追求港姐季軍劉佩玥，同無綫咪神梁政珏妹妹梁政欣。筍盤多人爭，公子風騷好正常，但何猷亨日前去好友Joseph（林作）個畢業party就表現得好避忌。
Joseph係大律師清洪嘅高徒，喺牛津大學讀書，仲叻到獲獎學金。為慶祝畢業正式做大律師，日前佢喺金鐘開派對，陶傑、寇鸿萍、何猷亨，連前女主播周嘉儀等都有到場。靚女同場，不過猷亨見到現場有鏡頭，全程都當嘉儀BB冇到，真係望都唔望一眼。鬼咩，佢全程都有幾個索女圍住，嘉儀BB都即時變透明啦。對於見慣大場面嘅猷亨嚟講，呢啲俾女圍嘅畫面真係何足掛齒！
