岳飛同關公傻傻分不清嘅吳若希，感情上一啲都唔糊塗。冇咗米uncle十哥林棣權加持，吳若希仲有個澳門才俊Alex Ho新歡。男方喺澳門代理洋酒、搞團購網，仲入股某品牌眼鏡，家底有番咁上下。話係新歡其實都唔算新，之前已有報道話，吳若希早於年三月，已經帶埋Alex去某相士嗰度夾時辰八字，報道仲話兩人好夾添，難怪兩人光速發展，日前仲俾本報讀者透過爆相爆片，直擊兩人去喺曼谷sweet sweet添。吳若希蹺實Alex臂彎，二人世界去埋旅行，名份己定啦。同遊曼谷，離地完總有返港嘅一日。今日(4號)凌晨一時左右，乘坐香港航空HX766由曼谷返港。兩人共用一篋相當sweet，你啲衫責住我啲衫，無分你我咁……係嘅，講番正題。化咗淡妝嘅吳若希同戴晒口罩星味十足嘅Alex大約點半左右出閘，吳若希拎住一個手袋，男方就負責推行李。行李細細件仲係二人共用，斷估此行都唔係去咗好多日。一出閘，吳若希就節節領先，一支箭咁行，一邊篤手機，同男友保持三四個身位。零交流。好奇怪，吳若希就大大方方任你望，事關當時機場都有唔少港人啱啱抵港，認出話咁易；Alex就戴住口罩遮咗四分三塊面，而且驚覺性甚高，不停左右張望有冇記者，連上層都唔放過。兩人出閘後一直保持安全距離，好似唔識咁，有時甚至向左走向右走。吳若希一直做低頭族，眼尾都冇望過Alex；Alex就好似觀音兵，負責推行李同call司機。但唔知點解司機冇上到接機大堂等候，心急嘅Alex即再call，兩人亦漸漸走近，但吳若希繼續篤手機，慢慢墮後，跟住男友去停車場搵司機。上到停車場，冇咩人喇，兩人先至行番近少少，然後一直上車返屋企喇!今年24歲吳若希私下同朋友講，雙方希望觀察多兩年，可以嘅話，就打算兩年後，即2018年結婚，疊埋心水，退出娛圈做少奶奶。見微知著，富二代男友咁照顧周到，對住手禮拜全程顧住做低頭族嘅吳若希關懷備至，嫁得過。
|
鍾意就快D Share啦！
|
|
|
