自稱用盡寫作配額，「衛斯理」倪匡封筆多年，今年書展罕有再度執筆，為兩本絕版舊作重新出版親手寫序，更不諱言直認是「絕筆」，「手都震晒，控制唔到支筆。」但講到記性，年屆81歲的他十分精靈，新書加入全新訪談內容，「主編一次問我30條問題，我話問得詳細啲唔緊要，我寫過嘅嘢都記得。」記者 佘錦洪新書序言以「江湖賣藝」為題，倪匡認為重新出版舊作，好比表演完畢開始問觀眾索酬的賣藝郎，他風趣地說：「落得個兩手空空，並無所得，境況淒涼，當然也反映了本事不濟，未能打動人心」。文末又提到執筆寫下短短幾百字已覺「大腦和手指間聯絡遲滯」，直認是「一生最後一篇筆寫文稿」，更以「絕筆」作形容。翻看其自序手稿，倪匡字跡一如傳聞中般「龍飛鳳舞」極難辨認。他回應時表示，自己已極少提筆寫字，「手都震晒，控制唔到支筆，冇以前咁流利」，加上現時已學會用電腦打字，故視之為「絕筆」。倪匡笑言電腦會使人類退化，「打得字多唔識寫字」，稱苦學多時都學不會「倉頡輸入法」，「最後搵到隻叫『九方』，同太太一齊學，兩個鐘就可以用，但缺點係慢」。今次重新由豐林文化出版的為上世紀80年代寫成的《倪匡傳奇》及《靈界》，前者講倪匡青年時逃難到香港的經歷，後者則公開倪匡命書及對鬼神學說的見解。促成出版的倪匡契女陳麗珠表示，自己丈夫兼新書主編施仁毅是契爺書迷，幾經辛苦在網上找得兩本早已絕版的舊書，以《倪匡談往事》及《倪匡談命運》之名重新出版，並加入全新訪談內容，令讀者更立體了解這位一代名作家。倪匡指出，新書主編「睇書熟過我自己」，更一口氣問他30條與自己過去寫作相關的問題，「我話問得詳細啲唔緊要，我寫過嘅嘢都記得。」他稱問題裡提到自己著中寫到有3次面臨死亡的經歷，即時反駁「我嗰本書冇3次得2次」，對自己記性甚為稱道。「網上仲流傳我騎隻馬落嚟香港，好離譜，如果有隻馬我都食咗啦。」
|
鍾意就快D Share啦！
|
|
|
