2016年8月29日 星期一

【獨家有片】48歲區帶娣帶仔女遊中環 狂食爆谷舔舔脷 __,

現年48嘅區海倫,19歲嗰年同李蕙敏組成女子組合Echo,當時同另一女子組合FaceToFace鬥得難分難解(嗰陣仲有隊「夢劇院」——李敏同劉文娟)。講番Echo,佢哋嘅代表作有《第四者》、《准許我愛你》、《深呼吸》等等,唔算多,因為未幾同李蕙敏傳不和,拆夥。到97年同陳仲尼結婚後,原名區帶娣嘅區海倫就專心做少奶奶,生B相夫教子,細仔都眨下眼十幾歲喇。今年6月區海倫就被影到喺機場送細仔機,果然係廿 ...




其他影片:>>






現年48嘅區海倫,19歲嗰年同李蕙敏組成女子組合Echo,當時同另一女子組合Face To Face鬥得難分難解(嗰陣仲有隊「夢劇院」—— 李敏同劉文娟)。講番Echo,佢哋嘅代表作有《第四者》、《准許我愛你》、《深呼吸》等等,唔算多,因為未幾同李蕙敏傳不和,拆夥。到97年同陳仲尼結婚後,原名區帶娣嘅區海倫就專心做少奶奶,生B相夫教子,細仔都眨下眼十幾歲喇。今年6月區海倫就被影到喺機場送細仔機,果然係廿四孝全職媽媽。(相關新聞: http://bit.ly/2bdpJle )日前下晝大約五點幾,區海倫帶住兩個小朋友現身ifc,佢哋一行三人急步行,原來係趕住去買爆谷。佢哋去到爆谷店一開波試下味先,試完味決定好之後,就由區海倫俾錢,之後兩個小朋友食好津津有味。同爸爸好似餅印一樣嘅小朋友相信係細仔嚟嘅。三人買完爆谷之後,輕輕鬆鬆咁行去ifc後門,等緊車其間區海倫喺玩手機掃嚟掃去咁。最後車到小朋友就上車先,區海倫自己再上車就一齊離開。

(採訪、攝影:朱志聰) 區海倫日前帶住兩個小朋友去ifc食爆谷 囝囝食得津津有味
買完爆谷之後佢哋就由後門離開等車走
區海倫同李蕙敏組成過女子組合「ECHO」 區海倫拍過纖體廣告 老公陳仲尼(圖左)

鍾意就快D Share啦!
Related Posts Plugin for WordPress, Blogger...