2017年4月17日 星期一

王君馨:姊妹着泳衣?王君馨自爆已簽字! __,君馨,王君馨,

王君馨開開心心等擺酒!藝人王君馨於中午時分現身機場,她透露剛從馬來西亞返港,出席其第四間分店開張儀式及檳城時裝周。對於姊妹苟芸慧踢爆她將於今年夏天結婚 ...


王君馨開開心心等擺酒!

藝人王君馨於中午時分現身機場,她透露剛從馬來西亞返港,出席其第四間分店開張儀式及檳城時裝周。對於姊妹苟芸慧踢爆她將於今年夏天結婚,君馨則扮傻謂:「夏天幾好,依家仲諗緊,book緊地方,都驚啲人見到咁熱會鬧我。(姊妹團着泳衣?)你哋想囉!如果我着嘅話,爸爸同未婚夫都會唔係咁開心,到時會喺兩地搞,依家都籌備得幾好,就嚟決定到地方。」

香港宴請400人

王君馨表示香港場地預計要容納到400人,故在揀場地方面也相當頭痕:「今年入行10年,有好多想多謝嘅人,因為佢哋喺唔同階段幫咗我好多,所以好想邀請佢哋一齊慶祝。」問到苟芸慧指的夏天會是七月還是八月?君馨終忍不住漏口風:「八月會唔會好熱?你哋到時會唔會着泳衣嚟?外地嗰個婚宴應該會係細型嘅私人派對,所以要準備得充足啲。(美國再搞婚宴?)諗緊,未必係三地,個budget容納唔到。(依家同未婚夫一齊住?)佢依家住緊第二個地方,到結婚後先至一齊住。」

冇戴婚戒

現場所見未見君馨她戴上婚戒,她自言大頭蝦怕整唔見,故暫擺放家中,更謂:「我簽咗字啦,依家爭行禮同擺酒。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...