加油呀！
藝人馬德鐘和名模張筱蘭現年18歲的兒子馬在驤，在泳界屢獲獎項，早前代表香港法國國際學校遠赴澳洲悉尼參加游泳賽事，奪8面個人金牌兼全場總冠軍。另外，馬在驤於昨日在香港舉行的第60屆體育節長池游泳計時賽中，再代表南華會泳隊及Harry Wright Swimming Team奪50米自由泳銀牌，且做出個人最佳時間，成績輝煌！
四年風雨不改
馬在驤在泳界成績彪炳，除自己付出努力，張筱蘭亦居功不少，馬在驤由6歲開始習泳，2014年當時只有14歲的他遇上好教練，故決定跟教練的時間表開始密集式練水生涯，四年來風雨不改，張筱蘭說：「依家一星期3日要早上4點半出門口，仲要準備定早餐畀佢帶出去練完水後食，所以要仲早啲起身，好甘，練完水再返學，放學之後再練多兩個鐘。有時我送，有時德鐘送，有時佢自己搭的士去，呢兩年好啲，有司機幫手接送，其實練水嘅時間表係慢慢加，一開始唔可以太急太多，太多佢可能會反感、會反抗，等佢自己鍾意，佢就會做。」
戒口唔食零食
為游水也要忍口，馬在驤要戒零食甜品和油炸食物，他並訂好明年出戰亞運及2020年奧運的決心，張筱蘭說當初讓兒子學游水，只希望他成為富責任感和獨立的人：「我覺得天外有天，人外有人，做好自己先，做最好準備同做最壞打算，做父母要多啲鼓勵佢，欣賞孩子長處同了解佢短處，父母唔可以太固執。」
來源 source: http://hk.on.cc
|
鍾意就快D Share啦！
|
|
|
