2017年4月21日 星期五

城城外父話自細聽城城?寛姐祝佢「下次結婚」? ChiLam單拖回應! __,城城,郭富城,

好喇,點都要講番城城——個婚禮,問番當日兄弟團之一嘅張智霖ChiLam,你,當日係咪好開心呢?ChiLam今晚應邀到尖沙嘴旗艦店開幕禮,佢就話:「OK ...


好喇,點都要講番城城——個婚禮,問番當日兄弟團之一嘅張智霖ChiLam,你,當日係咪好開心呢?ChiLam今晚應邀到尖沙嘴旗艦店開幕禮,佢就話:「OK啦,我做兄弟,並無虛言。」頂酒呢?「有,都好順利,大家無為難大家,都開門利是。」玩新郎呢?「冇喎,大家都好正經。」對於有網民話……網民其實講咗好多嘢嘅。網民話ChiLam搶晒城城鏡喎,咁佢就話喇:「過獎喇,你玩我啫!」又話:「我覺得全日都好夢幻,好幸福嘅一件事,見到啲父母每個都充滿幸福嘅笑容。諗番起自己當日都做少咗,因為當日冇斟茶俾父母,有啲遺憾,所以依家要加倍對父母好。」至於送乜嘢禮物俾城城呢?ChiLam話:「本身諗住折現嘅,太太揸主意買咗兩隻香檳杯,寓意好事接踵而嚟。」依家唔係再有喜事嗎?雙喜臨門喎!ChiLam話:「唔清楚喎,未收到通知。」未收到通知要去百日宴?佢笑笑口話:「未知。」婚禮當日可覺得新娘子個肚圓碌碌?ChiLam就叻咁,答咗等如冇答:「當日全日俾幸福嘅感覺包圍,睇唔到半點蛛絲馬跡。」咁,好喇,大家最想聽,都係呢樣嘢……你,有冇,聽過,城城外父,話,自細就聽城城嘅歌,大呀?(新聞連結: http://bit.ly/2oTc885 )ChiLam就答:「聽唔到。」咁邱瓈寛喺fb話城城唔請佢,嬲豬話:「下次結婚記得請我!」(新聞連結: http://bit.ly/2oO6ohs )ChiLam好無奈咁話:「我唔識答。留俾城城聽日自己答。」

緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB

「蘋果VR」App

App store下載:https://goo.gl/0kW2cK

Google Play下載:https://goo.gl/4K7EHw

城城結婚,ChiLam做兄弟。 邱瓈寛喺fb話城城唔請佢,嬲豬話:「下次結婚記得請我!」
ChiLam話唔識答,叫城城聽日自己答番。(攝影:陳俊強)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...