掃呢頁CODE去手機

2017年6月19日 星期一

【10年光蔭咁樣冇咗】入英皇即沉 王傑同霆鋒爭寵絕跡港樂壇 __,霆鋒,英皇,王傑,謝霆鋒,

王傑叱吒過華語樂壇,係8、90年代少男少女們嘅集體回憶,成就唔會比四大天王遜色。燴灸人口嘅歌《心癮》、《誰明浪子心》、《一場遊戲一場夢》,一定哼到兩句 ...


王傑叱吒過華語樂壇,係8、90年代少男少女們嘅集體回憶,成就唔會比四大天王遜色。燴灸人口嘅歌《心癮》、《誰明浪子心》、《一場遊戲一場夢》 ,一定哼到兩句。呢位樂壇浪子,99年由加拿大回流香港,一簽英皇十年,以為可以喺香港再創另一高峯?但就事與願遺,豪賭、狂燥、公司不和等負面新聞不絕。王傑09年約滿之際,於專訪終於呻道:「簽嘅時候你覺得乜都好,係簽咗之後事與願違,當然人要夾人。你可以要求我做任何嘢,但音樂冇得傾,我係音樂人,如果簽我返嚟係攞吓威出吓氣,係完全冇意義,但我冇怪任何人,只怪自己好多嘢冇睇清楚。 」滿腔怒火,源於事業發展不順,一直有傳王傑同經理人Mani拍拖,甚至分黨分派,王傑曾以Mani幼稚搞緋聞回應,最終被公司雪藏。王傑消失於香港樂壇,事業插水,一度承認財困要借錢度日,加上大陸版稅收入,捱過難關。令王傑困擾嘅,仲有佢同謝霆鋒嘅關係。王傑曾稱愛錫一眾英皇後輩,但兩人於英皇活動同場時,兩人互當透明,冇眼神接觸更冇一句交談。當年甚至有傳英皇老楊受成送車俾霆鋒,王傑呷醋,最終得到一架豐田七人車補數。


來源 source: http://s.nextmedia.com
鍾意就快D Share啦!