2017年6月30日 星期五

【獨家】陳冠希撇低Alaia陪老婆飛東京 秦舒培極速收身瘦番晒! __,秦舒培,陳冠希,

36歲嘅陳冠希(Edison)舊年同國產女模秦舒培拍拖,冇耐傳出女方有咗,今年3月Edsion仲榮升做爹哋,不過當事人堅持將家事低調,未有證實呢件事! ...


36歲嘅陳冠希(Edison)舊年同國產女模秦舒培拍拖,冇耐傳出女方有咗,今年3月Edsion仲榮升做爹哋,不過當事人堅持將家事低調,未有證實呢件事!不過紙又點包得住火,喺6月中,Edison其中一個外國Stylist好友喺ig上載一張Edison抱住BB女同家人嘅全家幅,而當日有指係B女嘅百日宴,Edison囡囡嘅英文名叫Alaia亦隨即曝光,有傳Edsion為咗呢件事勁嬲o添!(新聞連結:http://bit.ly/2u1kFYA)而Edison自知好易惹是非,仲有報道指佢唔想囡囡Alaia曝光,一來唔想囡囡受外界批評而影響成長過程,二來再加上佢同秦舒培仍然好熱衷工作,佢哋成日都周圍飛,如果囡囡跟住喺身邊都唔係幾方便,所以最後決定將湊Alaia嘅責任就交俾嫲嫲。讀者黃小姐透過《蘋果》嘅「爆相爆片」,喺噚日日本時間4點左右,見到Edison、秦舒培同一個女友人現身新宿東口嘅家電專門店BIC CAMERA,黃小姐話:「最初冇留意到佢,只係等等吓見到有個女仔搵Edison影相,我先留意到佢,嗰層多數係日本人搞電話同上網嘅嘢,因為我係留學生,咁啱要搞電話啲嘢,所以去咗嗰度。」雖然Edison試過俾傳媒影相而發瀾渣,爆晒粗兼話自己係爛人,但係對住啲fans,即係米飯班主,態度當然唔一樣,黃小姐話:「佢嘅表現好nice,好大方咁同個女仔合照。」黃小姐仲話喺Edison整緊電話咭個啲嘢,個樣有啲攰嘅秦舒培喺企喺側邊等,身邊仲有一大袋戰利品,似乎係啱啱喺樓下shopping完!至於Edison逗留咗幾先走呢?黃小姐就話:「咁我又冇再留意喇,我問完嘢就走咗,但係我走嗰陣佢仲係度整緊電話卡啲嘢!」

生咗女嘅秦舒培火速修身,似乎準備好復出!(讀者提供圖片) (讀者提供圖片)
(讀者提供圖片) 外國Stylist好友爆咗Edison囡囡近照,搞到佢勁嬲!(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...