真係有個好男友喇！
藝人陳凱琳（Grace）和黎諾懿到九龍塘出席活動，Grace被問到與男友鄭嘉穎有甚麼暑假節目，她說：「佢依家喺內地工作，遲啲會返嚟，都會去睇吓戲。（會約埋遊車河兜風？）我鍾意遊車河，不過我鍾意做乘客，因為可以睇風景同埋用電話。」擺明叫嘉穎做一世柴可夫，冧爆呀！
黎太日哦夜哦
「新手爸爸」黎諾懿則表示：「我依家已經可以從我個仔嘅喊聲中，分得出佢係肚餓、眼瞓，定係屙咗臭臭！（點睇近日網上流傳一段虐待兒童片段？）無論係對小朋友、大人，抑或對動物，用暴力都係唔好，先郁手嗰個都係唔啱，冇嘢係唔可以解決嘅。（第時教仔會體罰？）我諗個仔唔會曳得過我，同埋小朋友其實根本唔識，所以我會慢慢同佢講，好似我老婆教狗一樣，我老婆對我都係咁，用『煩』字訣，哦隻狗一個鐘，哦我兩個鐘，唔畀我瞓就係折磨，依家我學識都係唔好駁嘴、唔好同佢頂！」
冇養狗唔使哦
問到Grace有冇興趣採用黎諾懿太太的處事方式，她扮聽唔明，並說：「我冇養狗喎！（哦另一半呀？）我知你講咩，我唔答之嘛，嘻嘻！」
來源 source: http://hk.on.cc
|
鍾意就快D Share啦！
|
|
|
