2017年6月19日 星期一

【獨家】生B後一度與母割席 貝安琪:媽咪唔開心我哋未結婚 __,貝安琪,

貝安琪(Ankie)今年初與男友Simon未婚產子,轉眼間囝囝Sebastian已經接近四個月大,係時候重投工作搵奶粉錢,回歸第一擊係簽約好友Mand ...


貝安琪(Ankie)今年初與男友Simon未婚產子,轉眼間囝囝Sebastian已經接近四個月大,係時候重投工作搵奶粉錢,回歸第一擊係簽約好友Mandy Lieu旗下,和母親劉香萍結束工作夥伴關係,貝安琪話:「簽新公司想自己有改變同新發展,想單獨做嘢,有經理人會好啲,希望日後可以拍電視劇同電影,公司會盡量安排。」現年36歲的貝安琪一直予人感覺無論事業、生活、談戀愛都在媽媽掌控之內,如今決意釐清,早在貝安琪有生B決定時,母女意見分歧,重提呢件事貝安琪有感觸話:「其實啲人話我好偉大,有事業之際走去生BB,依家冇哂事業,我聽到都嚇親,好唔開心,媽咪覺得可能冇BB會好啲。依家我想行自己嘅路,佢係幫我好多,依家我已經有自己家庭,想獨立,想做自己嘢,亦想媽咪多啲時間做番自己事。」就係呢個任性的終生決定,觸發了兩母女不和。見安琪有所犧牲,但無悔生咗愛兒Sebastian,抱住BB個臉容溫情洋溢,佢反而覺得年青啲生B,有更多時間,而媽媽就想她繼續工作有更大知名度,對貝安琪來講係最大人生交叉點。講起一直以來係媽媽做經理人,貝安琪話:「媽咪一路take care我咁多年,佢覺得冇一個人會好過佢,依家Let go,I went away,有時啲嘢要放手。」現時以全新身份發展,貝安琪坦承比以前開心,佢話:「媽咪係幫我好多,但係too much,我覺得好辛苦,亦有壓力 ,依家大家都feel到我開心咗。」生B後好需要至親關懷,兩母女竟然一度割席兩個月,貝安琪眼濕濕話:「完全冇同媽咪傾計冇通電話,我當然會關心同愛護佢,但我都唔想同佢鬧交, 所以俾啲距離大家。」現時老公Simon同媽咪關係如何?貝安琪話:「ok啦,媽咪唔開心我哋未結婚,佢好傳統我明白,我喺歐洲長大,覺得唔需要結婚住,我哋有計劃但係想遲啲先結,自己身型又未ready,我都想影輯靚相,依家同老公一齊減肥,媽咪聽完滿意啲啦。其實好多人都覺得唔需要結婚,我認識好多朋友家長喺佢地結婚時係monster mother,婚禮點樣搞,著咩衫都要由阿媽話事,依家嘅我會自己話事。」兩母女現時重修關係,各自獨立工作。

想隨時獲得更多親子資訊,快啲like Easy PaMa Facebook

https://goo.gl/1qWM8g

採訪:卓寶花、攝影:陳慧安瑜伽服裝:Pure Apparel Pure Yoga 貝安琪(Ankie)今年初與男友Simon未婚產子 轉眼間囝囝Sebastian已經接近四個月大
貝安琪回歸第一擊係簽約好友Mandy Lieu旗下,和母親劉香萍結束工作夥伴關係 貝安琪因為生B,佢同媽媽劉香萍竟然一度割席兩個月
劉香萍(資料圖片) 兩母女最後重修關係(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...