2017年6月19日 星期一

【同姓郭有緣】拍劇暗媾郭可盈 陶大宇咀郭羨妮人財兩失 __,郭可盈,陶大宇,郭羨妮,

今年53歲嘅陶大宇,初出道事業暗淡,直至92年喺《大時代》做益蟹、《壹號皇庭》系列飾演師爺Michael,到《刑事偵緝檔案》系列終於擔正。由於劇中多飾 ...


今年53歲嘅陶大宇,初出道事業暗淡,直至92年喺《大時代》做益蟹、《壹號皇庭》系列飾演師爺Michael,到《刑事偵緝檔案》系列終於擔正。由於劇中多飾演痴情男角色,入屋之餘仲大受師奶歡迎,固有《師奶殺手》之稱。雖然陶大宇當年已有固定女友黃慧寶(阿寶),不過拍劇時,陶大宇依舊艷福無邊,試過喺《刑》劇中,佢同柏檔郭可盈傳緋聞。直至多年後,二人一齊接受專訪時,陶大宇先自爆同郭可盈試過約會睇電影《侏羅紀公園》。當時陶大宇亦曾經問過郭可盈,如果自己媾佢會點?雖然雙方有過電,但礙於當時郭可盈已經同林文龍拍拖,所以最終冇同陶大宇行前一步。郭可盈喺訪問中話自己同大宇,性格都係「凸」,若果拍拖十足火星撞地球,所以好彩冇開始過。到07年,當時已同阿寶結婚7年嘅陶大宇,因同郭羨妮(Sonija)合作拍《學警出更》咀出真感情,老婆阿寶率先喺周刊宣布同陶大宇離婚,更親口講出第三者就係郭羨妮。(新聞連結:http://bit.ly/2rErnGB )當時郭羨妮多次呼冤話自己唔係第三者,而陶大宇亦解釋同老婆離婚,並非因為郭羨妮,但二人形象一夜間插水,大宇多年建立嘅好好先生形象崩壞,「師奶殺手」封號亦告隨名!相反郭羨妮就多咗個新花名─狐妮。陶大宇當時拍完無綫劇集《和味濃情》後,就被迫返大陸拍劇過冷河;女方則被飛出新劇,又被廣告商臨時換走,收入接近零。為自保,有傳郭羨妮急撇陶大宇,強調二人冇發展機會。為避開對方,更遠赴加拿大。霎時間人財兩失嘅陶大宇,當年有指鳥倦知還積極翻撻前妻。除咗狂發短訊冧對方,更以愛犬做王牌,藉探狗為名,藉同前妻有多啲互動,令佢可以回心轉意。另一方面,疑因愛成恨嘅陶大宇,事後被問到郭羨妮捲入電視台「四朵淫花」傳聞時,大宇指對方榜上有名,唔會覺得意外,因為對方有太多類似新聞,句句有骨。。(新聞連結:http://bit.ly/2rDX0Qy )遭隔空挑釁嘅郭羨妮,隨即還擊話:「如果係咁我覺得佢好無聊囉!」

(資料圖片) 陶大宇早前接受訪問時,自爆同郭可盈拍《刑》劇時,有過電感覺。(資料圖片) 07年陶大宇同郭羨妮(Sonija)合作拍《學警出更》咀出真感情。 (資料圖片)
當時陶大宇已經有個結婚7年嘅老婆阿寶。(資料圖片) (資料圖片) 二人事業雙雙插水。(資料圖片)
陶大宇同阿寶拍拖10年,結婚7年,最終離婚收場。 (資料圖片) 有指陶大宇曾以探狗為名,希望前妻回心轉意。 (資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...