2017年6月25日 星期日

【記招用番「e」】為獵頭公司讀博士 Celine爸爸:呢個學位完全係事實嚟! __,Celine,

年僅9歲嘅Celine因為《全美一叮》爆紅,原本係一件好事,不過其父譚順生嘅為人似乎為人詬病。除咗家燕姐之外,連日嚟都有唔少前員工爆料或被網民揭發譚順 ...


年僅9歲嘅Celine因為《全美一叮》爆紅,原本係一件好事,不過其父譚順生嘅為人似乎為人詬病。除咗家燕姐之外,連日嚟都有唔少前員工爆料或被網民揭發譚順生問題多多,其中仲有指譚順生喺fb自我介紹,聲稱08年喺菲律賓馬尼拉University of Science and Technology畢業似乎同音樂無關,而佢嘅個人網頁仲將Dr. Steve變成Steve Tam,原因就得佢自知。是非不斷嘅譚順生日前同囡囡搭飛機返港,今日喺銅鑼灣舉行新碟發佈會宣傳佢嘅個人唱片,現場約30名傳媒採訪,喺記招中backdrop仲用番「Dr.Steve」名銜o添!而喺記招中,譚順生將會回應近日嘅種種傳聞,不過就不設記者問答環節。Celine爸爸譚順生今日着住一身深藍色西裝現身唱片發佈會,對於近日連串負面新聞,譚順生甫出場時,並冇交代,亦唔見滿面愁容。佢喺台上同司儀chit-chat時話:「好感謝公司幫我出呢張唱片,因為自己好懷念過去,本身係好地道香港人,睇住香港劇集長大,其實樂壇咁大,應該可以容納到我唱呢啲劇集嘅主題歌,亦都多謝公司同電視台幫我傾歌曲版權,今次我揀咗9首歌,之前喺9個景點拍攝,試過喺獅子山下拍,有好多晨運客睇住我唱歌,好似我啲fans咁,之後都有同佢哋影相。」切完公司為佢準備嘅生日蛋糕後,譚順生就一臉嚴肅,開始回應連串是非,而早前俾網民發現佢個音樂學校官網中,冇再用Dr.Steve呢個名而改用Steve Tam,(新聞連結:http://bit.ly/2tIkOjH )對於學歷問題,譚順生就話:「我嘅學歷証明,其實的而且確我2008年係博士畢業,我喺呢間菲律賓馬尼拉University of Science and Technology畢業,就有呢張証書,好開心,點解我要有博士學位証書呢?主要原因係喺2013年開歌唱學校之前,我開咗我嘅獵頭公司,咁獵頭公司係一個好專門嘅行業,我發覺到自己需要一個專業資格,咁喺2006年適逢我認識到呢個課程,經過2年辛苦嘅學習、寫咗嘅論文,跟住2008年我就畢業。」佢仲話「Dr.Steve」就係咁沿用到o依家:「咁喺我朋友同我生活圈子中我一路都用『Dr.Steve』呢個名,用到o依家。咁呢個大學博士學位係完全、完全係事實嚟!」

攝影:仇志德 今日Celine爸爸譚順生開新碟發佈會宣傳佢個人嘅唱片。
記招中backdrop佢仲繼續用「Dr.Steve」名銜。 譚順生聽日生日,大會仲準備咗蛋糕o添!
譚順生仲拎埋博士證書出嚟!

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...