譚玉瑛話佢唔覺得李家鼎有潤過佢囉！
藝人譚玉瑛在銅鑼灣出席「健康學院」成果分享發布會，與小朋友一齊做「洗手操」。提到在場小朋友正就讀幼稚園，似乎不認識2014年離開兒童節目的她，問會否有所感慨，她即謂：「呢啲好正常啦，唔會覺得唏噓。」她亦在訪問中強調洗手的重要性，更謂醫院會出內部專書教導醫護人員正確的洗手方法：「不過我冇潔癖嘅，喺屋企會執得好整齊，有次有朋友突然上嚟，佢都問點解會咁整齊，佢係外國女人嚟，佢話佢出門前試完啲衫會周圍掉。」
談到譚玉瑛現時與「阿爺廚神」李家鼎（鼎爺）拍《阿爺廚房》第二輯，她即指好忙：「得星期日係放假，我星期六都要排舞台劇。（今輯會唔會反擊鼎爺？）其實我唔覺得佢有潤過我，冇乜特別嘢，大家都係講吓笑，冇惡意。（怕唔怕方太（方任莉莎）又話你？）唔係怕，係有啲失望，因為我好鍾意方太！但佢咁話我，我都要睇吓自己邊度要改善吓，因為好尊重佢。」
來源 source: http://hk.on.cc
|
鍾意就快D Share啦！
|
|
|
