2017年6月30日 星期五

同石恆聰閃婚?阿Sa:下一秒都唔知咩事 __,阿Sa,蔡卓妍,

阿Sa有拖拍,人都開心啲!女星蔡卓妍(阿Sa)於紅磡出席活動,傳出新戀情的阿Sa心情靚,見好友鄭伊健即表現老友齊齊影相,伊健即搞笑說:「我怕人哋嬲喎! ...


阿Sa有拖拍,人都開心啲!

女星蔡卓妍(阿Sa)於紅磡出席活動,傳出新戀情的阿Sa心情靚,見好友鄭伊健即表現老友齊齊影相,伊健即搞笑說:「我怕人哋嬲喎!」被揶揄的阿Sa即作狀推開他。

阿Sa接受訪問時,記者恭喜她新戀情即甜笑講多謝,問到是否已拍拖兩個月?她表示:「總之依家就開心(男友前度連詩雅都恭喜你哋!)多謝呀!(連詩雅想復合?)茶餘飯後嘅嘢唔講咁多啦,係大家寫嘅,唔係重點。(咁重點係?)重點係生活。(生活成日打麻雀?)唔講咁多,總之開心。(融入對方家中?)唔講咁多啦,畀啲空間,我都一把年紀。(趕住嫁?)一把年紀啫,唔等於趕住嫁,今日咁熱,你哋唔好咁對我(甜蜜階段中?)依家係幾開心嘅,我尋日都講咗啦,多謝大家。」

講到有指已進駐男友豪宅,阿Sa她則說:「唔講(閃婚?)下一秒我都唔知咩事,答唔到你,亦都冇諗。(怕唔怕再結婚?)冇諗咁多,最緊要活在當下,依家好開心。(欣賞男友咩嘢?)自己知就得啦,唔使同人講,唔關其他人事。(拍拖去開邊?)救命呀!唔講喇!我哋好短時間咋,唔好成日受𥄫住我生活𥄫住我工作就好」阿Sa出完活動後,乘七人車直返港島區寓所。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...