2017年7月26日 星期三

【分身術!】洗米華陪松岡去時裝週 8月中洗米嫂 Mandy喺晒英國 __,松岡,洗米華,Mandy Lieu,Mandy,陳慧玲,洗米嫂,周焯華,松岡李那,

太陽娛樂老闆洗米華(周焯華)早排帶咗日模松岡李那,出席生意拍檔陳榮煉同台灣女星安以軒嘅婚禮,喺婚宴舉行當晚,一條佢同松岡李那喺婚宴上跳辣身舞嘅片段流出 ...


太陽娛樂老闆洗米華(周焯華)早排帶咗日模松岡李那,出席生意拍檔陳榮煉同台灣女星安以軒嘅婚禮,喺婚宴舉行當晚,一條佢同松岡李那喺婚宴上跳辣身舞嘅片段流出,令兩人嘅親密關係終於曝光,聽講為洗米華生咗個女嘅Mandy Lieu睇到即時新聞後,嬲到爆炸!事後同洗米華嘈完,再隔空以WhatApp搵松岡開火,繼而要求洗米華唔准再見對方。不過似乎就冇乜成效,松岡8月中到歐、美多地為時裝週工作,全部都是以私人飛機代步,咁邊個安排佢坐私人飛機,相信大家會估到。松岡8月中就會去英國,到時洗米華答應咗陪佢過去,其實都係因利成便,因為洗米嫂大女周梓潼要去英國讀書,周家上下全部出動去英國陪囡囡入學,咁作為爸爸嘅洗米華一定會同老婆陳慧玲(Heidi)一齊過會去加埋本身住喺英國湊女嘅Mandy,哇!哇!哇!到時洗米華生命中佔有一定份量嘅3位女人都喺倫敦,到時佢點樣分身呢?據知洗米華同松岡都好咗近半年,所以Mandy唔係今日先知男友有異心,同洗米華都嘈過交,更直情唔俾洗米華去英國見佢,兩個人都冷戰咗幾個月,咁嘅情況下,松岡當然更加得寵,同洗米華變得高調起嚟,連安以軒婚宴都帶佢一齊去,Mandy點會唔嬲,當然覺得受威脅,所以即刻放軟氹番洗米華,叫佢去英國探下佢哋兩母女,咁享盡齊人福嘅洗米華咪喺上周五晚坐國泰航空嘅特級經濟客位去咗英國交人,好勝嘅Mandy如果要繼續同呢個男人喺埋一齊,可能都要接受自己嘅男人天性風流。

洗米華同松岡李那喺婚宴上跳辣身舞嘅片段流出
周家上下8月中全部出動去英國陪囡囡入學 Mandy Lieu可能都要接受自己嘅男人係風流人(資料圖片)
(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...