2017年7月26日 星期三

【准千語BB夜蒲】拍拖有自己空間!林峯自爆唯一不滿係… __,林峯,吳千語,千語BB,千語,

林峯去年底拍大陸清裝劇剃光頭,之後又黐到成身毛扮孫悟空,今日佢終於變回時裝人,喺廣州出席9月23日舉行嘅《HeartAttack》演唱會記者會,頭髮長 ...


林峯去年底拍大陸清裝劇剃光頭,之後又黐到成身毛扮孫悟空,今日佢終於變回時裝人,喺廣州出席9月23日舉行嘅《Heart Attack》演唱會記者會,頭髮長得幾快嘅林峯,揀選咗條紅褲仔現身,唔知係咪想攞個意頭。主辦單位向佢送上巨大心臟同68片主題歌詞竹簡,意味著Heart Attack嘅開始,以及預祝票房大賣。林峯喺記者會開始前接受傳媒訪問,佢話最近開始操肌,因為距離演唱會唔夠2個月,所以要揾健身教練Michael再操,到時會冇啖好食,但因為去年開演唱會好fit,今次唔可以輸蝕。講到今次演唱會,林峯話絕大部份會同去年香港一樣,只係機關會有啲改動。早前林敏驄紅館演唱會冧升降台,問佢怕唔怕?佢就話:「都怕,但工作人員怕啲,不過都ok嘅,之前都會check清楚。」最近傳佢同女友千語BB(吳千語)情變,咁女友今次去唔去廣州捧場?林峯笑住話:「唔會喇,上年香港都睇咗!(又俾人話分手喎!)真係估唔到,唔喺香港6、7個月,大家都咁關注我。(有冇分手?)冇呀。(感情穩定?)OK啦。」有傳佢唔俾BB夜蒲?林峯話冇咁嘅事,仲話好正常,惟一不滿係BB冇帶佢去,因為佢唔喺香港。傳林爸爸對BB有不滿,林峯又話爸爸根本唔知有呢啲新聞。問林峯同BB有冇結婚計劃,佢就話o依家大家都係工作為先,「佢年紀都細,要好好做嘢!(BB係咪已進駐8000萬愛巢?)男女朋友探下好正常,我哋各有各住,拍拖都有自己空間。(豪宅有冇加BB嘅名?)私人嘢唔講。」林峯承認同BB聚少離多,但問到二人感情有冇轉淡?佢笑言:「如果嗰排BB肥咗你哋唔知點寫?」林峯又話,其實之前拍完劇同BB都去咗歐洲旅行一個星期,係同朋友一齊去,拍劇有半年冇放假,今次旅行係洗滌心靈。問佢係咪被好大筆「人仔」吸引拍劇?佢即刻笑住話:「唔係,只係其次啫,套劇係網絡小說,好值得。」

林峯喺廣州出席9月23日舉行嘅《Heart Attack》演唱會記者會。 林峯喺記者會開始前接受傳媒訪問,佢話最近開始操肌。
主辦單位向佢送上巨大心臟。 講到今次演唱會,林峯話絕大部份會同去年香港一樣,只係機關會有啲改動。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...