掃呢頁CODE去手機

2017年7月26日 星期三

【獨家】洗米華飛英國孖Mandy Lieu撐枱腳 全黑情侶look有講有笑 __,洗米華,Mandy Lieu,Mandy,劉碧麗,周焯華,

43歲嘅澳門賭業猛人周焯華(洗米華)一直享盡齊人福,身邊有正印陳慧玲(Heidi)同情人MandyLieu,本來洗米嫂對呢段三角關係眼不見為淨,直到洗 ...


43歲嘅澳門賭業猛人周焯華(洗米華)一直享盡齊人福,身邊有正印陳慧玲(Heidi)同情人Mandy Lieu,本來洗米嫂對呢段三角關係眼不見為淨,直到洗米華喺香港同Mandy Lieu「世紀一拖」,最終令洗米嫂決定離婚!不過事後有指洗米華一直都唔肯動筆,努力挽救近一年嘅時間,洗米華冧掂老婆Heidi撤銷離婚申請,另一邊廂又出動銀彈政策o氹掂Mandy Lieu乖乖留英國,兩頭住家和氣收場。(新聞連結: http://bit.ly/2lzImCs )點知喺上個月,洗米華去夏威夷參加老友澳門德晉集團百億CEO陳榮煉同台灣女星安以軒婚宴,玩到零警戒嘅洗米華,喺舞池同着住熱褲日本妹攬腰跳舞,動作火辣,事後新女被起底,原來係33B日模松岡李那,冇份去嘅Mandy就嬲嬲豬(新聞連結: http://bit.ly/2v3l9RO ),仲有傳話佢越洋用WhatsApp鬧爆松岡。(新聞連結: http://bit.ly/2sxv2oj )事後有傳洗米華飛咗去英國o氹番Mandy Lieu,洗米華亦都多次被影到現身機場,不過今次有圖有真相,噚日《蘋果》讀者Jacky透過「爆相爆片」,喺英國時間23號嘅中午大約12點左右,喺Soho Theatre附近嘅唐人餐廳,見到佢哋兩個撐枱腳。讀者Jacky話:「我初初都唔為意,坐低冇耐先發現佢哋,洗米華好gentleman,好似普通情侶咁食飯,唔似因爲個日本明星仔嘈交,全程有講有笑!」佢仲話:「嗰間餐廳類型係價錢大眾化,乜嘢人都會有,我都估唔到會撞到佢哋,我坐咗15分鐘左右,佢哋就食飽走人!」睇番相,洗米華同Mandy Lieu一樣係全黑嘅情侶裝扮,生咗2個小朋友嘅Mandy Lieu,目測身形都似乎冇乜點變,佢哋有傾有講,似乎冇乜嘢咁噃!

(讀者Jacky提供圖片) Mandy當日一身黑打扮,坐喺佢對面嘅洗米華都一樣。(讀者Jacky提供圖片) 讀者Jacky話洗米華同Mandy幫襯嗰間餐廳好大眾化,所以冇諗過會喺嗰度撞見佢哋。(讀者Jacky提供圖片)
洗米華經常做「空中飛人」 成功o氹番老婆Heidi 仲有女友Mandy
松岡就…

來源 source: http://s.nextmedia.com
鍾意就快D Share啦!