掃呢頁CODE去手機

2017年12月17日 星期日

【與千語BB感情轉淡?】38歲林峯:我哋間中都有聯絡 __,林峯,吳千語,千語BB,千語,

林峯今日以代言人身份到沙田出席賽馬日活動,透露聖誕節與女友吳千語各有各忙,唔會過二人世界。提到12月8號係林峰嘅38歲生日,佢話:「今年生日同屋企人過 ...




林峯今日以代言人身份到沙田出席賽馬日活動,透露聖誕節與女友吳千語各有各忙,唔會過二人世界。

提到12月8號係林峰嘅38歲生日,佢話:「今年生日同屋企人過,女友冇一齊,冇收到女朋友禮物。出年年初大家會多啲機會見到我,因為會開拍一部內地時裝劇,主題講香港紀律部隊,喺香港開工。」到時咪可以多啲時間留喺香港見下女友?林峯話千語到時唔喺香港,會努力工作為先。

聽落好似有啲嘢噃……林峯同比佢細14年嘅千語BB拍拖5年,最經典係喺記者面前講咗七次「好愛千語BB」,但今次一反常態咁冷淡,問到係咪感情轉淡?林峯話:「我哋間中都有聯絡。」會唔會好可惜呀?林峯自動tag咗去講工作。

林峯話近日主演大陸劇《獨步天下》有好高點擊,為答謝觀眾,就同另一男演員張睿嚟個HEHE Kiss。係咪好回味?林峯嘴舐舐咁話:「唔係嘅,但好特別嘅感覺,我第一次睇完自己kiss全身毛管戙,要嗌出嚟,證明我係非常之直。」林峯話並非第一次向男士獻吻,過往兄弟好朋友生日喜慶事都有蜻蜓點水式,但冇咁深情,可以挑戰呢類型角色。點擊率再高有咩行動?林峯笑笑口話:「呢個已經好激,再諗啦。」有人提議佢同千語咀嘴,林峯即話唔講呢啲啦。

整個訪問中,林峯對女朋友吳千語都講得好淡然,盡量避而不談,到底係咪分咗手呢?林峯最初話冇嘢講,後來就稱仍然同千語是情侶關係,對女友行縱都好清楚話:「佢喺內地拍緊嘢拍緊一部民初戰爭片,忙到明年2月底。」並表示唔想經常提感情事。



更多娛聞,喺晒《娛果》

http://fb.com/appledailyent


鍾意就快D Share啦!