2018年5月16日 星期三

【死侍2】超級英雄星座分析 Iron Man最念舊Deadpool口賤有因由 __,死侍,【死侍2】,

《死侍2》被稱為MARVEL年度最玩嘢鉅製,呢個最反傳統、寸寸貢嘅超級英雄於5月15晚上映。全球票房已經衝破10億美元嘅《復仇者聯盟3:無限之戰》之所 ...


《死侍2》被稱為MARVEL年度最玩嘢鉅製,呢個最反傳統、寸寸貢嘅超級英雄於5月15晚上映。

全球票房已經衝破10 億美元嘅《復仇者聯盟3:無限之戰》 之所以咁受觀眾歡迎,除咗因為劇情緊湊、刺激又有視覺效果,最重要係呢班superheros唔係公式化地一味sell正義感,佢地嘅個人性格先係最牽動觀眾情緒嘅撤手鐧。平時邊過一個人嘅性格可以猜測作嘅星座,咁究竟超級英雄嘅性格,又同佢地嘅星座有無關呢?

電影《死侍2》岩岩上映嘅Deadpool係11月22號出世,屬於天蠍座,性格敢愛敢恨,恩怨分明,但對於自己深愛嘅人同事,就會盡全力保護。以上幾點都係《死侍》中印證咗,而天蠍座嘅人做事雖然勇往直前,但就顧前唔顧後,好容易撞板。

被喻為天才、花花公子嘅Tony Stark係5月29日生日,屬於雙子座,呢個星座嘅特點係多才多藝、擅長交際同動作敏捷。而Tony Stark17 歲MIT畢業,又能夠喺資源有限嘅深山入面,發明初代Iron Man 裝甲。雙子座嘅缺點係矛盾而且難定性,呢一點亦好符合佢同Pepper之間嘅感情。

7月4生日嘅Steve Rogers,係十二星座入面最和藹善良嘅巨蟹座,回顧《美國隊長:復仇者先鋒》瘦削嘅佢都係因為善良勇敢先得到注射血清變超級士兵嘅機會。之但係呢個星座有一樣缺點,就係就容易為自己著迷嘅事奮不顧身,想當初Captain就係為左Bucky,不惜同Iron Man大打出手。

漫畫中記錄Peter Parker係93年8月27號出世,90後嘅佢年紀輕輕做事就咁仔細認真,其實有可能同佢係處女座有關,呢個星座黑白分明,少少灰色地帶都無,好符合蜘蛛俠嘅精神。但普遍被認為麻煩嘅處女座,最大缺點係為人固執,仲會以自己嘅想法去要求其他人,做到佢心目中嘅完美。

12月18號出世嘅Bruce Banner,未變身做Hulk之前,都幾符合射手座嘅冷靜,至於意志力集中,無可否認,佢一直以黎都係靠呢樣野去控制身體內嘅Hulk。但係極度崇尚自由嘅射手座,會過於自我中心,往往容易忽略身邊人嘅感受,好多時連傷害到人都唔知。


鍾意就快D Share啦!
Related Posts Plugin for WordPress, Blogger...