2018年5月15日 星期二

新五虎齊聚頭 基仔紅館騷兄弟互窒 __,基仔,古巨基,

■新五虎前晚在紅館「合體」,按舊照重擺當年的甫士再影相留念,十分有默契。無綫「新五虎」中,古天樂、古巨基、吳家樂、劉愷威早前飯聚後,在網上向何遠恒「集 ...


無綫「新五虎」中,古天樂、古巨基、吳家樂、劉愷威早前飯聚後,在網上向何遠恒「集氣」,結果新五虎前晚在基仔紅館Re-U,他們還合唱《當年情》,全場反應熱烈。基仔這次演唱會用時光機做主題,所以他找出當年娘爆合照,新五虎依舊相重擺相同甫士合照。



■基仔前晚帶領其他四虎到台邊跟觀眾握手,炒熱現場氣氛。

笑基仔堅挺

基仔因在第二場時發生墮台意外,古仔前晚不時提幾位兄弟企前一點:「呢個係案發現場位,大家係咪企前少少安全啲。」基仔卻笑着回答:「案發現場就係企前呢個位,反而企番後少少安全。」古仔望一望基仔再說:「你都好嘢,咁都冇事,堅挺即係堅挺。」基仔笑言:「我『巨肌』嚟!」古仔取笑基仔落台靠「巨肌」撐一撐,基仔神回:「我動L咁彈番轉頭,哈哈哈……」吳家樂就意有所指:「唔怪得Lorraine(古太)跟你咁多年」

四虎輪流講基仔,何遠恒形容基仔是一個好男人,古仔即窒何遠恒:「我最近睇新聞,你同個乜彩華散咗,係咪嗰晚我哋約食飯,你去咗滾所以散呀?」何遠恒尷尬耍手擰頭:「唔好講呢啲啦。」



■Mani昨午拜神時,慰問基仔頸傷情況。

拒跳「拜神舞」

四虎問觀眾想聽甚麼歌,觀眾大叫古仔的《男朋友》或《今期流行》,現場即響起《今》歌,古仔聽後指向控制台監製錢國偉說:「肥仔,你唔係真係玩嘢呀?」何遠恒和吳家樂則隨音樂大跳古仔當年的「拜神舞」,古仔求大家放他一馬:「唱歌可以唱,但舞就唔好逼我跳我拜神拜咗咁多年,唔好搞我」

另外,基仔演唱會昨晚尾場,他昨5時半在紅館後門拜神,只見他欲擰轉臉時要整個人轉身,明顯頸部仍然繃緊,期間英皇高層霍汶希(Mani)上前慰問,基仔更一度摸頸,他誠心上香後跟工作人員一齊吃燒豬,然後返後台作準備。

採訪:馬建華

攝影:林賓尼




鍾意就快D Share啦!
Related Posts Plugin for WordPress, Blogger...