簽約華納唱片後，嘉豪開始在華納A&R部門工作。今年年初，更幸運地得到衛蘭賞識讓他於其紅館演唱會上擔任和音。今天終於成為一個真正的唱作歌手，推出首支單曲《半天空檔》，MV由洪嘉豪親自參演，MV中演繹約會初哥，傻傻地騰出「半天空檔」為隔天與心儀女生的約會不停練習，練習表情、練習笑容、練習對白。而現實中為了準備拍攝自己第一個MV的洪嘉豪，花了無數個半天去練習籌備，他說：「男仔受少少傷唔怕嘅，痛都要繼續拍，同埋難得小刺蝟都好定，無好激動。開頭拍攝真係有啲緊張，雖然已經做定曬心理準備，好彩後尾都追返進度，唔使累大家OT。今次係好好嘅經驗，相信下次一定會做得更加好，希望下次可以令大家更加早收工！」
在音樂圈工作了一段日子的嘉豪人緣甚好，師姐衛蘭對他照顧有加，除了讓他擔任紅館演唱會和音，更一直「傳授武功」，分享各種歌唱和錄音技巧。而派歌前一天，更得到皇上張敬軒親自PO文向各樂迷推薦，詳述多年前曾於其澳門演唱會綵排期間代皇上唱《櫻花樹下》，一開口便一鳴驚人。文中皇上更冊封嘉豪為「有著無限潛能和爆發力的音樂人」，更謂：「歡迎轉會」讓自己的樂迷一起支持嘉豪。而嘉豪見到當然心情極為激動：「真係受之有愧，我仲有好多嘢需要學習，好感激軒仔哥哥咁多年嚟對我非常照顧，又無私地教我好多嘢，會好好加油報答各位厚愛。」
立即按此連結下載APP：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
