2013年5月8日 星期三

新碼頭 扭計跳槽 NOW 黃宗澤秘會李澤楷




殘爆回應

上月中( 20日)本刊問 Bosco飯局一事, 32歲 Bosco一聽到李澤楷三個字就笑到魚尾紋出曬嚟,但又大反應咁話:「吓,我唔識佢㗎喎!」

真面目

新碼頭 扭計跳槽 NOW 黃宗澤秘會李澤楷

32歲的黃宗澤( Bosco),入行至今形象爛玩,但實情係娛圈投資有道的富貴小生,除買樓、買藍籌及投資紅酒外,前排更被影到去中環物色鋪頭開蠔吧。

一向在無綫多產的 Bosco,忽然冇曬影,有傳明年約滿,扭計唔續約喎!知情人士更向本刊報料,上月初曾目擊 Bosco與超級鉅子李澤楷於蘭桂坊酒店食飯。唔通 Bosco密謀跳槽?鬧小生荒的無綫又要頭痕喇。

跟我搵食啦!(設計對白)《蘋果日報》圖片

劇接劇的 Bosco,近年演的「跛 Co」或「許 sir」(《護花危情》)一角都受觀眾歡迎,可惜每年無綫頒獎禮都只係有提名冇獎攞,都咪話唔心灰意冷。

目擊者稱上月初,喺蘭桂坊酒店內的名人坊,見到 Bosco與李澤楷食飯,而本刊到上址問及餐廳侍應(下圓圖),佢話:「李生間中會嚟食飯,佢都算係呢度常客。」而餐廳名人冊上亦見到李澤楷的相片。

唔肯續約

去年底, Bosco已升呢做老闆,在大馬投資 800萬港幣開夜店, Bosco更風騷地話:「間店唔夠 4個月已差唔多歸本!」

近排積極北上拍劇, Bosco一口氣在內地連接兩劇,除了無綫下月開拍的《貓屎媽媽》一劇外,下半年的重頭大劇,全部冇預 Bosco份。據知係因為續約一事,雙方仍在拉鋸中。

知情者說:「聽聞梅小青、劉家豪過咗去 now後,好想搵阿佘(佘詩曼)、 Bosco過埋去拍劇,可惜阿佘最後傾唔成,不過 Bosco就未表態,佢出年就約滿無綫,無綫搵過佢幾次想傾續約嘅事,但 Bosco一直拖字訣, TVB又唔知佢想點,咪唔安排重頭嘢畀佢囉!好彩佢喺內地人氣都唔錯,所以都未急住,話諗多陣先喎。」

中環密斟

同樣發牌未有着落的 now,一樣學足王維基的香港電視以銀彈招人外,今次更出動大老闆主動挖角。今年 4月,就有人目擊 Bosco與李澤楷於中環密會。爆料者說:「嗰晚見到 Bosco同李澤楷喺蘭桂坊酒店內的名人坊食飯,全程得佢哋兩個,連李澤楷平時身邊嘅保鑣都唔喺度,見佢哋全程密斟有講有笑,食足兩粒鐘就前後腳落樓散水。」

早前本活動中問 Bosco是否秘會李澤楷, Bosco即好大反應叫話:「吓,我唔識佢(李澤楷)㗎喎!係咪搞錯!」至於無綫的樂易玲點拆招,至截稿前仍未回覆。

大陸唔憂做

內地身價唔嘢少的 Bosco,身價急升,劇價 22萬港幣一集,早前 Bosco亦曾表示因工作太忙,而推掉了 10部內地劇,難怪 Bosco喺內地拍劇等埋位悶到狂煲煙都唔介意啦!

Bosco除了上年與周麗淇拍畢的《好心作怪》外,得番與米雪、岑麗香合作,下月開拍的《貓屎媽媽》一劇在手。

《蘋果日報》圖片

Bosco話曬係樂易玲愛將兼契仔,如今 Bosco扭計跳槽, now搵嚟終極大老闆李澤楷親自邀 Bosco過檔,無綫與樂大媽會出咩招數呢?

梁洛施秘密回港

梁洛施( Isabella)為李澤楷生下三子後,一直行蹤低調,但每次回港都例必會約圈中好友相聚。

上週五( 3日)黄秋生在微博上載與 Isabella等人合照,踢爆 Isabella秘密回港傳聞係真。網上圖片

09年 Isabella為男友李澤楷先誕下一子,翌年又再誕下雙胞胎,可惜 11年頭便對外宣布分手聲明。



鍾意就快D Share啦!
Related Posts Plugin for WordPress, Blogger...