2013年6月4日 星期二

古仔幫B女改名「吳准溝」

吳彥祖昨分享榮升爸爸的喜悅,古仔(左)和青雲頻頻講笑。


古仔幫B女改名「吳准溝」

吳彥祖昨日與古天樂(古仔)、劉青雲等出席電影《竊聽風雲3》活動,期間吳彥祖指其囡囡因黃疸而要留院照燈,並向古仔笑言:「即係好似你咁(曬燈)!」古仔聞言即笑謂:「係喎!我成日曬,我屋企都有套(燈),出院一係你帶佢嚟曬,一係我送套畀你。」跟住青雲又笑謂:「咁我送床仔囉!你個女咪可以瞓住嚟曬。」而於電視台訪問中,吳彥祖坦言怕女兒桃花勁,古仔即笑謂:「你咁驚,幫佢改個名叫『吳准溝』囉!」

此外,古仔透露前晚拍《掃毒》時與一位泰國拳手拍對手戲,期間不慎給對方絆倒,傷及舊患,令他大感痛楚。談到今次於《竊聽風雲3》的造型時,他笑言:「都好應景,做一個傷缺嘅人,未有時間睇醫生,希望冇事大步檻過。」同場的葉璿稱一直想跟青雲合作,笑言對方是她由小到大的偶像,青雲聞言即叫現場司儀不要翻譯此句給內地傳媒聽。

葉璿穿上白色夏裝,清麗可人。
  • 葉璿穿上白色夏裝,清麗可人。
吳彥祖與剛產女不久的黃奕在台上密密斟,莫非大談湊女經?
  • 吳彥祖與剛產女不久的黃奕在台上密密斟,莫非大談湊女經?


鍾意就快D Share啦!
Related Posts Plugin for WordPress, Blogger...