2013年10月30日 星期三

32D蔚雨芯俾祖藍細佬虐打 蔚雨芯,王祖藍,祖藍,MF,




戲入面講 Rainky殺咗人,結果俾人捉咗打鑊甘,面上嘅瘀傷當然唔係真,不過右邊膊頭就真係整傷咗, Rainky仲要去睇跌打至可以繼續拍攝。

FBI

32D蔚雨芯俾祖藍細佬虐打

歌手出身、叻哥旗下新人蔚雨芯( Rainky),早前孖住 Super Girls嘅 Heidi拍咗套微電影《微交少女》,仲有份入圍「香港亞洲電影節」,喺戲入面做女一嘅 Rainky同 FBI講,話自己開心到癲咗。

飾演打 Rainky嘅壞人王亦藍,係王祖藍親細佬,拍過電影《懸紅》,當日就係佢好狠咁伸一腳落 Rainky個肚度,再打到佢飛埋牆。

Super Girls嘅 Heidi(左)同 Rainky係同學仔兼齊齊做援交妹,不過戲入面 Heidi就唔使好似蔚雨芯咁,要因應客人口味扮鬼扮馬。

「今次挑戰好大,因為我做一個又聾又啞嘅女仔,一個冇聲音嘅世界令我交好多內心戲,加上劇情講我因為生活而要援交,內心嗰種掙紮真係好考功夫!雖然喺戲入面我要援交,不過呢句我一定要講,我蔚雨芯係絕對唔會露點。所以有一場戲要露點,導演就專登喺北京搵咗個女仔嚟做替身,佢話我呢種身形香港好難搵喎!」

蔚雨芯仲同 FBI講最大膽嗰幕係着住底衫褲,同埋俾援交嗰個男人錫咗啖啫,所以都冇乜陰影,反而俾人打嗰場就真係有陰影喇,「真係傷咗,拍完第二日我仲要去睇跌打添呀!」原來喺戲入面 Rainky會殺人,殺人後就俾死者啲親友拉去打鑊甘,而呢位劊子手就係祖藍嘅細佬王亦藍,王亦藍個樣斯斯文文,估唔到咁暴力喎。

13歲跟阿叻嘅 Rainky,真實年齡只有 20歲,要做番學生妹其實冇乜難度。

除咗《微交少女》, Rainky都拍咗一部 30分鐘長嘅音樂電影,同翟凱泰(泰臣)做對手,以陳百強嘅歌穿插。 Rainky出世嗰年就係 Danny仔去世年( 93年), Rainky對 Danny仔其實冇乜特別感覺。

Rainky(左二) 13歲已俾阿叻睇中,簽約 Snazz旗下。有叻哥睇住, Rainky比起其他新人,演出機會多好多囉。



鍾意就快D Share啦!
Related Posts Plugin for WordPress, Blogger...