2014年1月16日 星期四

[壹週刊 1245] 老婆愛名牌 魏駿傑有排捱 魏駿傑,M1,




行咗個幾鐘,張利華喺 Lane Crawford買咗對鞋,唔算瘋狂。

同你吟一吟

老婆愛名牌 魏駿傑有排捱

女人為留住青春,花盡心思金錢時間護膚執樣;但男人要回春就 easy得多,只要追個比自己後生一大截嘅,即刻生猛番!身家厚如李嘉誠劉鑾雄,身邊紅顏知己同自己相差幾十年計;唔論身家?都有!例如魏駿傑。

○七年同滕麗名分手,轉過頭就娶咗得廿歲、仲讀緊大學嘅學生妹張利華,做完老襯再即刻做埋老豆,囡囡 Jessica眨嚇眼四歲。

不過咁,話曬女細老婆嫩,搵少啲都唔掂嘅魏駿傑喺內地幾乎有乜撈乜,試過連冇對白嘅布景板角色,一樣殺,總之多勞多得。

老婆一身打扮高貴,魏駿傑想唔開「行」 turbo𢱑銀都唔得。

現年四十六歲嘅魏駿傑,○八年同當時得廿歲嘅張利華閃婚,老夫少妻,有排捱。

(《蘋果日報》圖片)

老公搏曬老命搵,老婆張利華就放心使!早排《壹》仔見佢孖住個同樣祖國味濃嘅女子一齊行 ifc,氹咗個幾鐘搵嘢買,最終喺 Lane Crawford買咗一對鞋;不過,魏太身上行頭,全部名牌,求其噏樣都萬萬聲。

回春有代價,奉勸四張六嘅魏駿傑,俾啲心機賺錢啦!

行完 ifc經架空天橋殺過皇後大道中期間,兩女邊行邊自拍。

喺 Lane Crawford由衫到鞋,張利華全程揀女裝,老公無份。



鍾意就快D Share啦!
Related Posts Plugin for WordPress, Blogger...