全城熱爆的娛樂八封新聞 & 時事趣聞 & 生活 + 趣聞
舊年初同莊思明撻番著嘅陳司翰，帶女友見家長又住埋一齊，復合一年，雙方關係進一步穩定。
三十六歲，陳司翰開始定性。唔使返大陸開工，喺香港除咗陪女友做觀音兵，亦會抽時間陪老豆做孝順仔。上星期四（九日），《壹》仔喺 Landmark Cafe見到佢同老豆陳崇偉 high tea，雖然當日陳司翰唔舒服要睇醫生，但佢食住藥都陪老豆傾咗成粒幾鐘。 話時話，過多幾年就四張嘅陳司翰都係時候 plan嚇人生大計，難得遇到個對自己一條心、散咗都等你返轉頭嘅莊思明，快手搞掂跟住啤多兩件絕對唔係壞事。但記住，生女先，俾生極都係仔嘅 Kelly過嚇手癮，大姑媽肯定舉腳贊成。
睇完醫生再同老豆飲 tea嘅陳司翰，坐低食少少嘢，第一時間啪藥。
陪女友莊思明行超市買餸，陳司翰買香草先聞一聞，相當奄尖。
