[壹週刊 1245] 方逸華極速送別六叔 六叔,邵逸夫,M1,

同你吟一吟

方逸華極速送別六叔

上星期二（一月七日）家中辭世嘅六叔邵逸夫，極速於上週四、五（九及十日）舉行喪禮，兩個仔邵維銘及邵維鍾由新加坡飛到香港，送別父親。

當日有唔少政商界人士去到殯儀館送別巨人，包括兩位前特首董建華、曾蔭權，現任特首梁振英、中聯辦主任張曉明等，無綫高層行政主席梁乃鵬、總經理李寶安、邵氏高層黃家禧就喺現場打點，藝人方面，六嬸方逸華只係禦准曹眾，以及同六叔六嬸相交多年嘅甄珍可以到靈堂。

六嬸離開殯儀館時被近百記者包圍，用咗近五分鐘先上到車，雖然佢唔肯回應提問，但上到車一直向鏡頭抱拳答謝。

六叔靈柩送到柴灣歌連臣角火葬場火化，遺照由孫仔 Christopher邵在強捧實，靈車車頂未有高掛邵府出殯花牌，貫徹六叔生前低調作風。

六叔兩位兒子邵維銘及邵維鍾來港送別亡父後即飛返新加坡，二人稍後亦會現身響邵氏影城舉行嘅追思會活動。

六叔靈柩送到柴灣歌連臣角火葬場火化，遺照由孫仔 Christopher邵在強捧實，靈車車頂未有高掛邵府出殯花牌，貫徹六叔生前低調作風。

六叔兩位兒子邵維銘及邵維鍾來港送別亡父後即飛返新加坡，二人稍後亦會現身響邵氏影城舉行嘅追思會活動。

火化儀式保密，有關人士在門口鋪上黃布，以防被偷拍。

身為未亡人，六嬸連日為喪禮疲於奔命，雖然個樣好攰，但鏡頭前一直保持微笑，更做出抱拳及拍心口動作，感謝大家關心。

六叔喪禮低調，殯儀館大堂水牌冇寫邵府出殯，據知靈堂及靈車亦冇刻意布置，事後無綫宣傳科副總監曾醒明表示：「純粹私人喪禮，屋企家祭。」

至於今個星期五（十七日）響邵氏影城 1號錄影廠舉行嘅追思會，就歡迎各方好友及公眾人士入內向六叔遺照三鞠躬。據知，六叔嘅骨灰稍後會運返新加坡，與感情深厚嘅三哥邵仁枚同葬。

特首梁振英，以及兩位前特首董建華、曾蔭權都有現身靈堂，但只有與六叔私交甚篤嘅董伯伯，獲六嬸親自招呼。

同過六叔十指緊扣去飲茶嘅曹眾，獲六嬸批准到靈堂鞠躬。

鍾意就快D Share啦！

下一篇 》