2014年1月21日 星期二

Baby恨同曉明有「意外」: 我好鍾意小朋友




Baby恨同曉明有「意外」: 我好鍾意小朋友

2014-01-21 15:35:00



Baby表示希望30前結婚生B,下個月佢就25歲,即係仲有5年時間。(攝影:葉君海)

Angelababy﹑貝安琪及吳嘉龍,今日出席ifc舉行嘅Thomas Sabo首飾品牌活動,大會畀咗72款首飾Baby任揀,而佢對心心相印款式情有獨鍾,佢喺台上話:「送畀親密朋友最啱,情人節收到呢啲禮物會好開心。」

身穿白色tube dress嘅Baby,事後被問到情人節點慶祝?佢話:「仲有一個月,未諗到咁遠。(台上講心心相印?)情人節收到心形嘅嘢係好開心。」係咪乘機話畀男友黃曉明知?Baby就話:「唔係,我自己都買得起,情人節要喺香港開工,見唔到都冇所謂,因為都係事業拼搏期。」

講到下個月就係Baby嘅25歲生日,佢就話「好驚呀﹗」咁男友會唔會飛過嚟陪佢慶生?Baby話:「未必啦,呢啲大時大節講心意,做呢行大家要工作係理解。」

之前Baby出席內地活動時曾表示,視曉明為結婚對象,今日再追問此事時,佢就話:「我唔知呀,如果結婚講畀你哋聽。(好近的事?)唔會,冇計劃,計劃趕不到變化,總之30歲前結婚生BB,依家仲有五年。」

問到驚唔驚「意外」?Baby竟然話:「有『意外』就最好啦﹗因為我好鍾意小朋友,但今年唔會(有意外),依家工作為主。」

Baby又謂今年唔會內地春晚節目,因為冇時間綵排,希望明年再去,咁係咪明年結婚再同曉明一齊去?Baby話:「冇咁快,你哋好心急呀,我家人都冇催婚。」



Baby直言好鍾意小朋友,仲話:「有『意外』就最好啦﹗」



吳嘉龍及貝安琪行騷。





鍾意就快D Share啦!
Related Posts Plugin for WordPress, Blogger...