2014年4月8日 星期二

劉浩龍當街攬「A貨全智賢」 唔使同祖兒備案 祖兒,劉浩龍,浩龍,全智賢,容祖兒,




劉浩龍當街攬「A貨全智賢」 唔使同祖兒備案

2014-04-08 15:59:00



劉浩龍當街攬女,怕唔怕女友祖兒呷醋先?

早前忙於拍電視劇及電影嘅 劉浩龍(師兄),近日終於有新歌《說明書》派台。由於歌詞與13年前經典韓片《我的野蠻女友》劇情不謀而合,師兄索性搵嚟一位貌似《我》女主角全智賢嘅女模Sarah拍MV,「A貨全智賢」撥頭髮同野蠻樣,都同正版全智賢如出一轍,令師兄讚歎不已!

作為全智賢頭號粉絲嘅師兄,早前收到新歌《說明書》歌詞後,覺得與《我》片中男主角車太鉉與全智賢相睇,男子訴說其拍拖習慣情節感覺吻合,於是與MV導演商量,決定將《我》情節重現新歌《說明書》MV內,更物色同樣擁有長長秀髮嘅女模Sarah,演師兄「女神」。

導演特別將男女主角天台傾心事,與全智賢街上喪跑尋找車太鉉等重頭戲加入MV中,仲讓Sarah著住全智賢白色套裝裙戲服,事前又畀佢重睇片段做參考,結果佢邊跑街邊撥頭髮,連氣質學得都似模似樣。

眼見「A貨全智賢」Sarah舉手投足都得到十足,師兄大讚佢有潛質。被指已深中「星星毒」嘅師兄,搞笑地向對方自我介紹說:「我係『千頌伊師兄』!」

由於劇情需要,師兄與Sarah喺街頭深情擁抱,問佢哋使唔使與另一半「備案」?師兄Man爆揚言:「做嘢唔使備案!」Sarah自爆無男友,亦無需備案,仲對師兄笑說:「希望唔會影響到你」師兄聞言即笑說:「等我叫導演加多啲親熱戲先!」佢又話:「其實我哋係今日拍MV才認識,見面第一個鏡頭就係擁抱,我哋就係擁抱前一秒才握手!」

除咗親熱戲,MV內Sarah仲要為師兄流眼淚,師兄說:「其實我平時拍戲和電視劇都係打打殺殺,唔係警察就賊,幾乎未演過感情戲,所以今次拍MV又擁抱又談情,仲搞到個女仔喊,對我嚟講係好大嘅挑戰!」



師兄大讚女模Sarah有潛質。







鍾意就快D Share啦!
Related Posts Plugin for WordPress, Blogger...