插圖： Wendy
揞名爆
「大煲」便宜攞盡力就唔出
呢排網上有句話講得好啱，「日久不一定生情，但一定見人心」。用喺小生「大煲」度，簡直 fit曬。點解咁講？話說最近有行內老友同媽咪姐爆料，話有某眼鏡公司諗住送副眼鏡俾「大煲」戴，仲講到明唔使佢做特別宣傳，只要戴住影幅相，俾公司做內部 reference啫。 Well，可能「大煲」自覺近年好紅又搵到啦，最初無理到人哋。但過咗一排，可能探聽到人哋啲眼鏡係貴嘢，就叫助手上去拎眼鏡喎，仲要拎多兩副㖭！
好啦，咁人哋見「大煲」係上位小生，都唔介意豪俾佢。過咗一排，人哋都唔見「大煲」 send番佢戴住產品嘅相過嚟，咪打去問嚇啦。「大煲」回覆話唔知喎，亦唔打算 send。嘩！人哋一聽，真係火滾到呢！嗱，過橋抽板嘅極致，咪就係呢啲囉。唉，「大煲」份人咁「有品」，難怪咁多是非咯。
邊個係「大煲」？
1.捱過㗎。
2.高高大大。
|
鍾意就快D Share啦！
|
|
|
