[忽然1周 982] 兩代謀女郎 各出奇謀 鞏俐 章子怡 子怡,鞏俐,章子怡,MW,

48歲鞏俐

鞏俐著一襲鑲滿水晶嘅 Roberto Cavalli白色長裙，高貴典雅，即使遮咪都一樣吸睛。

媽咪姐

兩代謀女郎　各出奇謀

曾經有一位哲學家同媽咪姐講過：女人沒有真正朋友，只有真正情敵。

兩個女人只要跟同一個男人扯上任何關係，一生都會互相比較。咪以為媽咪姐「無丁丁」「食菜肉」（無端端食錯藥）扮兩性專家。望下鞏俐、章子怡吖。同樣有樣有演技，一樣都係國際巨星，而最大共通點，就係兩個都曾經係張藝謀嘅愛將，或多或少都跟大導傳過緋聞。

雖然鞏俐已經有老公黃和祥；溝仔無數嘅章子怡亦同汪峰拍拖，不知幾 sweet。但女人嘅較勁，係永不歇息。

鏡頭轉去啱啱開幕嘅康城影展，兩位姐仔同場但冇合照。連續幾日，你有你嘅生活，我有我嘅忙碌，不相往來但就各出奇謀比行頭，鬥風騷，搶風頭。嗱，有圖有真相，你當媽咪姐「厚多士」都咁話。

自 high搶鏡

康城影展開幕，比章子怡遲 8分鐘到場嘅鞏俐，未有同對方合照，反而周圍揮手。你咁 high，邊有人會唔影你相吖！

冷落敵人

周三（ 21日），張藝謀（右三）執導、鞏俐（右一）、陳道明（右二）主演嘅《歸來》舉行首映，當晚鞏俐拖實拍檔，又不時同大導傾偈，成功冷落新一代「謀女郎」張慧雯（左一），免自己被搶鏡。

突然落淚

電影口碑不俗，全場起立拍手掌 5分鐘。鞏俐完場呢下眼紅紅，簡直係終極殺著。

35歲章子怡

呢件 Stephane Rolland黑白 PVC晚裝型格又有潮味，講真，同鞏俐各有風味，媽咪姐兩套都 like。

集國際郵

上周五（ 16日），蕭邦搞 party，章子怡就趁機集郵，集親嘅仲係粒粒巨星，提升佢嘅國際地位。

冧爆導演

有份參演《太平輪》嘅章子怡，固然冧得掂吳宇森（上圖）。勢估唔到，連西班牙導演艾慕杜華都 buy佢，熱情親吻子怡手背（右圖）。

亞洲女星各有千秋

今年康城影展冇咗「國際範」坐鎮，無疑係失色咗啲。好彩仲有一班後起之秀出現，幫我哋亞洲爭番口氣。

Angelababy繼續靚

向來著衫有 taste嘅 Angelababy熱著 Dior，先嚟藍白套裝（右圖），再嚟白色 cut-out dress，可愛有活力。

張慧雯 loop出味道

2014年春季 Dolce& Gabbana嘅花花 pattern當頭大熱，唔少女星都揀嚟出席康城活動。新一代「謀女郎」張慧雯亦唔例外，著出青春味道。

Mircille Enos

Nadja Auermann

長澤正美低調美

黑色晚裝冇乜特別啫？嗱嗱嗱，乾坤在於胸下兩個窿，隱隱約約露出南半球，好有 fantasy！

正美另一套 Valentino旗袍式晚裝（右圖），顏色 sharp醒，密實得嚟好有東方美。

鍾意就快D Share啦！

下一篇 》