2014年6月4日 星期三

[FACE 367] cheap 下體紋心 低俗世界妹微信傾肉金 馬嘉韻 馬嘉韻,世界妹,MF,




18歲馬嘉韻,兩年前開始做私影模,自稱遇過唔少鹹濕龍友同被問價,不過佢都拒絕喎。網上圖片

真面目

cheap 下體紋心 低俗世界妹微信傾肉金

大台今年直播世界盃,全台小生花旦預咗傾巢而出為免費台宣傳;而收費台今年就講明玩低俗,搵黃毓民、盧覓雪及陸永等搞低俗講波團爆粗講波吸市井客。

根據大台思維,有足球節目一定要有波妹,今年亦例牌搵咗 32位 MK味甚濃,主要接私影的𡃁模做世界妹,其中(18)馬嘉韻 Mars,除了身材出眾加身上 3個紋身形像出位外,最近更有人指佢做援交,甚至在微信傾肉金撩「搞」,完全配合曬大台主題!



其他影片:>>世界妹賣肉






馬嘉韻做世界妹彈起,有網友將一段微信對話內容放上網,內容講馬嘉韻唔影 T-Back但「搞」就冇問題。馬嘉韻表示:「我有睇過呢個 post,嗰個唔係我,有人攞我啲相扮我。」

大台搞世界盃必定有世界妹,由當年李思蓓、任港秀到最近巴西世界盃,大台思維依然冇變過。今次更喺收費電視標榜低俗,除咗有黃毓民、盧覓雪做主持,更請嚟 32位無名𡃁模助陣,質素絕對係 MK級。

自稱有底線

其中最爆係 18歲的馬嘉韻 Mars,除咗有 34C上圍,身上更有 3個 MK紋身,其中一個疑似心心更紋在私處側邊好出位,而喺網上馬嘉韻亦唔少大膽性感相,除咗內衣幾乎冇另一種衫著,加埋誘惑眼神甫士,典型剝模風格。

對於影大膽相,週一( 2日)馬嘉韻直認不諱,她說:「啲紋身係我 15, 6歲喺大陸紋,大髀嗰個係羽毛嚟,只係貪得意玩下。私影我 16歲開始影,由 cosplay開始,之後影得性感啲,其實我有底綫,最盡係內衣, T-back都唔會影,有人出 1萬蚊半個鐘影 T-back我都唔制!」

馬嘉韻影相狂放,最近網上則流傳一個微信對話,內容指馬嘉韻疑似撩人性交易。馬嘉韻對此事非常無奈,她說:「呢個 post我睇過,其實成日有人盜用我啲相,仲有人擺我啲相上咸網。嗰個唔係我本人,我冇用微信嘅!(有冇人叫過你做援交?)有,但係我冇做援交,好多龍友問過我,話可唔可以畀多少少錢做其他嘢,但幾多錢都唔會做。我會扮聽唔到,之後會 black list呢啲人。我係影相,我唔會做援交。」但冒認你嗰個又知你唔影 T-back咁叻?

馬嘉韻除咗腰間紋咗玫瑰,下體紋咗心形羽毛外,後腰亦有一大個紋身,她表示無綫有少少介意,她說:「拍宣傳片原本企前面,但因為有紋身,所以最後企後排。」網上圖片

世界盃期間大台繼續正經講波,網絡電視就搵咗 32位𡃁模,加埋黃毓民(中)、盧覓雪(左二)等講波,仲話大玩低俗喎,不過唔知有冇人睇啫。

32位𡃁模世界妹,論質素應該係歷年最低。冇所謂啦,反正世界盃焦點係球星。

菜街任影

馬嘉韻初時喺西九龍中心做 cosplay女,後來在旺角西洋菜街活躍,再開始影性感私影,她說:「影內衣大約 3千蚊一個鐘收入都可以嘅!」

MK女神

前週三( 18日)馬嘉韻初次出席無綫世界盃活動,其 34C上圍同腰間紋身,加上在一班 MK中算好正常樣,輕易成為全場焦點。

港姐再戰

前週三( 18日) 32位世界妹首次現身,最後由 31歲、 05年參加過港姐嘅曾子淩奪得「最受現場觀眾歡迎獎」。

曾子淩 05年選過港姐,當時叫曾衍欣入到最後 20強。同屆有袁彌明、葉翠翠、陸詩韻,事隔 9年,仍要做佈景。

醫生退選

世界妹首次見人時,仲有一位上圍勁大、自稱係精神科醫生嘅泰籍混血兒 MoMo(左),但至上週四(上月 29日)班世界妹再見傳媒時, MoMo以活動跟醫生身分不配合而退選。

世界妹多女神

逢親大台播映世界盃,必定有世界妹,借機灑鹽花, 98年世界盃開始,第一代世界妹為李思蓓。開波前介紹下球隊,騷身材玩水著是必然事,當然唔少得被司儀玩。

開 spa:李思蓓

《蘋果日報》圖片

當年同雷穎怡一齊做第一代世界妹,之後為無綫藝員。最近簽約汪子崎,專攻大陸劇,更開埋泰式 spa店。

信耶穌:任港秀

《蘋果日報》圖片

同李思蓓做世界妹,近年信奉基督教更喺佐敦教會任職幹事。

嫁富商:姚樂怡

姚樂怡亦係世界妹出身,之後同李思蓓、梁雪湄、姚樂怡等組成電波少女。近年轉做公關, 12年下嫁商人吳俊匡,常出現喺《獎門人》。



鍾意就快D Share啦!
Related Posts Plugin for WordPress, Blogger...