王寶寶、王敏奕世界盃騷長腿吸金
2014-07-05 12:11:00
王寶寶、王敏奕和C ALLStar出席世界盃活動。
王寶寶、王敏奕仲有C ALLStar噚晚參加馬鞍山新港城中心嘅世界盃狂歡派對，以前曾經參加過花式足球比賽攞過冠軍嘅On仔，現場大顯身手，同一班表演者一齊玩花式足球，現場睇真係犀利架！
有足球睇，仲有美女王寶寶同王敏奕騷長腿，王寶寶話本來支持英格蘭，可惜出咗局，依家轉投德國隊，堅稱自己無男友嘅王寶寶話之前係英國有同朋友睇波，不過返到香港淩晨先踢，所以都係捱唔住。之前寶寶自資拍咗套微電影，最近佢又有新搞作，寫緊一部關於血腥題材嘅劇本，已經有人有興趣想投資喇！不過，佢就無傾會唔會自己演埋一份。做咗才女，王寶寶話都唔介意性感，仲話有好多人問佢今年會唔會出寫真。
王敏奕同曾國祥嘅戀情曝光之後，工作真係多咗好多，佢話仲因為世界盃，有不少活動出席，所以都會留意下世界盃，男友梗係有追看喇！佢就因為工作捱唔到咁夜，最近就忙緊拍港台套電視電影，遲啲仲會搬埋上大銀幕。
王寶寶係新一代性感才女。
熱褲透人。
短裙可愛。
C ALLStar約埋一齊睇波。
On仔讀書時參加花式足球比賽，仲攞埋冠軍。
|
鍾意就快D Share啦！
|
|
|
