2014年8月5日 星期二

林峯無綫成長史 有毛有翼 愛得高調 林峯,




【短片】【放手...放開所有】 林峯無綫成長史 有毛有翼 愛得高調

2014-08-05 03:07:00


【放手...放開所有】 林峯無綫成長史 有毛有翼 愛得高調

林峯正式受無綫力捧之時,係2004年組成奧運六星之一,同期嘅黃宗澤、馬國明、吳卓羲都係無綫成功上到一線小生之位。

最初嘅林峯就好似幼苗一樣咁,喺無綫嘅樹蔭下,經歷每個藝人都走過嘅跑龍套工作,再慢慢擔正做主角,可以話係唔敢逆無綫半句,樣樣嘢都循規蹈矩,尤其喺拍拖同緋聞方面,2006年林峯同鍾嘉欣合作《溏心風暴》傳出緋聞,但為保事業同喺無綫前途,林峯每次被問到緋聞都口窒窒否認,完全配合公司風格,不想稍有差池,所以一直都對感情事低調處理。

2012年一輯潘霜霜同林峯床照流出後,令林峯形象大跌,林峯喺電視城為《回到三國》開工時,喊咁口唔回應事件,選擇低調處理。

其實林峯早年已在無綫打穩陣腳,對比初入行己經有毛有翼,很多事都有自己睇法,亦唔再懼怕公司壓力,喺2013年林峯被爆跟吳千語撻著,最初樂易玲代為否認,但紙包唔住火,林峯再都唔係以前嘅小幼苗,竟然敢喺電視城接受傳媒訪問時,自爆跟千語蜜運中,仲講咗7次愛字,真係好愛喎。

有指愛得高調此舉令無綫感不滿,而林峯亦有自己一套見解,造成一個重大轉捩點,正所謂今時唔同往日,林峯同咗千語BB拍拖後,完全唔放公司在眼內,加上外面又機會眾多,林峯唔愁冇更好嘅選擇。



(資料圖片)



又成日被拍拖行街拍拖。(資料圖片)



林峯當年喊晒口唔回應事件。(資料圖片)



(資料圖片)



依家同千語BB高調曬恩愛,公然摸肚仔。(資料圖片)



(資料圖片)



林峯每次被問到同鍾嘉欣嘅緋聞,都口窒窒否認。(資料圖片)



舊年林峯喺無綫高調講咗7次愛吳千語。(資料圖片)



(資料圖片)



潘霜霜同林峯床照流出後,令林峯形象大跌。(資料圖片)



林峯當年講潘霜霜, 喊晒口唔回應(左),到舊年高呼七次愛吳千語(右)。(資料圖片)



鍾意就快D Share啦!
Related Posts Plugin for WordPress, Blogger...