全城熱爆的娛樂八封新聞 & 時事趣聞 & 生活 + 趣聞
余文樂對工作人員都幾好，影完相拍晒膊頭多謝佢哋幫手。
好多藝人都深明「花無百日紅」呢個道理。尤其係賣樣嘅，就更加要為日後打算下。余文樂早排就學咗陳冠希，搞自家品牌出潮衫。梗係睇見人哋做到上晒軌道，跟吓風都要
早前，媽咪姐行開灣仔，咁啱就見到余文樂同成堆人喺餐廳門口煲煙。原來佢親自落場着自家潮衫影廣告相，身邊有 8人服侍，真係好有老闆氣勢。見佢扯完煙就過咗對面街影相， chok咗幾下就收工。嘩！煲煙仲耐過影相。雖然係咁，余文樂都好識做，影完就逐位工作人員拍一拍膊頭，唔該晒佢哋㗎。
企埋一邊扯完煙嘅余文樂，先慢慢過對面馬路補幾張相。
但係攝影哥哥企到咁高影落嚟，藝術嘅嘢真係佢先明囉。
舒淇夠老友，自動獻身着住余文樂品牌嘅衫。唔知有冇收 model費呢？
