[忽然1周 1000] 周永恒 癲夠未呀？ 周永恒,MW,

周二大龍鳳

周二晚（ 23日），周生忽然上阿 Yu嘅屯門娘家搵老婆，狂搖鐵閘吐口水，仲用粗口鬧外父外母，話人害死佢哋兩公婆。阿 Yu驚到報警，但俾人拉嘅周生係好亢奮囉！

媽咪姐

周永恒　癲夠未呀？

前排有本潮書叫《男人唔可以窮》，好多人都話睇個書名已經好有共鳴喎。但計我媽咪姐話，男人係唔可以癲先真！你睇自稱人渣嘅周永恒，大家都知佢從未有錢過㗎。咁無問題！呢個世界有幾多個「富二代」吖。以前嘆慣嘅阿 Yu（趙頌茹）亦唔介意同佢住天水圍，日日買餸湊女同 C9逼。

其他影片：>>周永恒狂性大發　剷上阿 Yu住所　爆粗搖鐵閘兼吐口水

有問題嘅係，周生溝小三打老婆，啱啱仲要衰到走去阿 Yu娘家找老婆晦氣，大吵大鬧，俾人拉返差館。阿周生，你兩個女喺間屋入面㗎！你話自己「好開心」？搞到阿女有童年陰影，有幾開心先？

諗番轉頭，周永恒同阿 Yu出道嗰陣，媽咪姐都同佢哋傾過偈，嗰時周生真係成日講音樂，好熱血㗎。阿 Yu呢，慣性黑面魂遊，影相都唔多願郁。點知依家周生不事生產、日日諗埋啲癲嘢博見報，阿 Yu反而洗盡鉛華，俾心機賺錢兼湊女。就算俾老公嚇完一輪，都仲識同追訪嘅記者禮貌 say goodbye。只可以講，老公係唔可以嫁錯嘅，母愛係偉大嘅，加油呀！

搞完一大輪，見晒報。入咗青山警署之後，周生喺凌晨忽然又話唔舒服，唔肯落口供，仲入埋屯門醫院。真係辛苦晒……啲差人。

周三匿埋癲

周永恒喺屯門醫院內科病房留醫。周三（ 24日）下晝，有兩位 madam去同佢錄口供，但好快出番嚟，似乎錄唔成。記者透過護士提出想同周生傾幾句，但佢就話唔想見任何人喎。周生仲向睇住佢嘅差人爆粗。

據聞俾周生玩厭即棄嘅小三 Ruby（右一），對前度入院，無任何回應。但有傳同周生開 model公司嘅佢，猛叫行家唔好俾 job阿 Yu（左一）做囉。

阿 Yu振作

今時今日，阿 Yu出入天水圍街市，話會努力接 job賺錢湊大兩個女。 32歲醒覺，未遲嘅。

曾幾何時，阿 Yu有份拍《無間道Ⅲ》，傳緋聞對象係陳冠希。

原來阿 Yu之前已經收過周永恒嘅恐嚇短訊。周二（ 23日）晚去完警署落口供，她只係不斷同追訪嘅記者講：「有心嘞。」唉，一個大好家庭搞到咁，真係可憐。

網友寸爆

唔係淨得媽咪姐鬧爆㗎，基本上係人都睇唔過眼

鍾意就快D Share啦！

下一篇 》