招牌黑框眼鏡
我一見你就笑！呢個架上黑框眼鏡的招牌笑容，係肥姐生前獨有。欣宜今次在台上扮演母親呢個模樣又確係神似。
娛樂喧
殺入《我不是明星》贏頭炮 欣宜搵秋官學友搶分
每當提起欣宜，幾乎所有人只會聯想到 200磅的肥妹仔，父母親是鄭少秋和沈殿霞；可曾記得她有把悅耳的聲音，能歌善舞呢？幾歲大便踏足舞台唱歌表演，論舞台經驗，欣宜絕對不遜於當今樂壇天后。
早前，欣宜參加內地比賽節目《我不是明星》，該節目每季都請來一批星二代表演強項，以淘汰制進行比拼。欣宜在第 9集首次登場已攞第一，氣勢如虹。不少參賽者都會碌人情牌請星級父母撐場，但欣宜在過去兩集都靠自己實力晉級。據知第 11集起，她才會以父親秋官及歌神學友作為秘密武器。有猛人幫自己搶分，欣宜勝券在握。
國內近年興起明星比賽節目，繼早前的《我是歌手》炒得熱烘烘，令 G.E.M.鄧紫棋一夜間成為熱爆紅人外，《我不是明星》亦吸引大批粉絲追捧。該節目邀請中、港、台三地的星二代，在台上以演技或唱歌形式比賽，由評判及觀眾選出每集優勝者，比賽以淘汰賽形式進行，現時已播了十集。
想做全能藝人
欣宜是從中段殺入比賽，在 9月 15日播出的第 9集登場，她一開聲便獲全場好評。本來以英文歌〈 Saving All My Love For You〉參賽的她，錄影後因歌詞有「 making love」敏感字眼，而被禁播，要用番第 10集的〈剪愛〉頂上播出街。據知情者透露，欣宜除了歌聲外，更想以演技令所有人刮目相看：「 Joyce自小已經好有表演慾，不過減極唔瘦，影響咗佢一路嘅發展。自從今年簽咗俾蕭定一間新公司，佢即刻就有戲拍，角色討好仲有好大發揮機會㖭！其實好早之前已經有好多人叫 Joyce參加《我是歌手》，但呢個節目只會出歌手而唔係全能藝人。《我不是明星》反而以唔同嘅表演方式比拼，咁先可以睇到 Joyce多才多藝嘅一面。」蕭定一視大陸為主要市場，他亦相信以欣宜的實力要在內地發展絕對有價有市，唔需要減肥都可以彈出，故為她鋪路參加《我不是明星》。
在欣宜首度登場的第 9集，節目中播出多張沈殿霞（肥姐）的舊照，欣宜還模仿母親的招牌笑容和動作，相似度十足；但當播出肥姐一些生前片段時，欣宜即時忍不住落淚，當時她坦言：「見到媽咪啲片段真係忍唔住喊，因為太掛住佢。」
最後武器出場
節目共有 12集，在周一剛播出的第 10集，欣宜唱了一首改編歌〈至少還有你+愛很簡單〉的 mix版本，以第三名出線。為爭取更好成績，欣宜要在最後兩集使出秘密武器。據知她會先揀選適合內地觀眾口味的歌曲，再搵秘密武器幫拖。欣宜透過電話回應：「第一次親身去到杭州參加比賽，可以喺台上表演同唱歌一直係我最熱愛嘅事。就嚟到比賽尾聲喇，都會出力搵幫手。（秋官一定有份？）要睇佢時間夾唔夾到，冇理由唔幫個女㗎！下星期係我第一次請嘉賓，只可以講呢個人係一位爸爸。」記者追問是否學友，欣宜未有正面回答，不過她有強勁後台撐腰，最後兩集相信才是戲碼。
星二代展實力
《我不是明星》是浙江衞視的節目，去年 8月尾首次舉行，至今已播至第四輯。該節目是星二代的真人騷，每輯共有 12集，每集以淘汰賽形式進行，參賽者要憑自己實力取勝，就算星爸星媽現身撐場都未必會贏。
過去參加《我不是明星》的星二代香港代表有湯鎮業的孖仔湯君慈和湯君耀、林子祥之子林德信、鄭佩佩女兒原子鏸、王晶女兒王子涵及秦沛的一對子女姜文杰姜麗文。在現時進行得如火如荼的第四輯中除欣宜外，還有姜氏兩兄妹，他們曾碌盡人情牌邀請陳偉霆、容祖兒及父親秦沛助陣。
|
鍾意就快D Share啦！
|
|
|
