2014年12月29日 星期一

力捧姣爆Isabella 好正 張總慘被翻虐狗舊帳 Isabella,梁洛施,




【姣爆張總】力捧姣爆Isabella 好正 張總慘被翻虐狗舊帳

2014-12-29 09:37:00



(港視圖片)(蘋果日報)

港視劇集《來生不做香港人》已經播到第十二集,由於中港矛盾問題,每個角色性格鮮明,演技一流,當然引起網民熱烈追捧,當然多得一班好戲之人,如劉美君、張可頤、潘燦良等,不過演Hill少嘅潘燦良被Anson姐及張總呢一段「三角關係」,亦都令網民覺得好肉緊,演貪慕虛榮第三者張總(Isabella)今次真係出晒位,連高登網民都覺得原名陳丹丹嘅張總好正,對佢又愛又恨!

近日喺網上討論,演Hill少嘅潘燦良,應該要演「香港」女強人Anson姐嘅張可頤,定係演「內地」姣爆張總嘅陳丹丹,Hill少又點揀,網民自己估喇!不過有網民質疑Isabella演得咁有機心,真人又係唔係咁,旋即被網民翻佢「舊帳」,重提佢喺2010年疑虐狗事件。

當年演張總嘅陳丹丹喺facebook留言「個個都假仁假義,明知我唔鍾意狗,又要逼我日日對住,簡直恨之入骨,最衰係唔卑(俾)我拎去人道毀滅。終於都等到其中一隻老狗病啦!...哈哈哈...一定唔可以帶去睇醫生,要等到它病入膏肓,無藥可救,希望一個星期就可以解決掉...然後另一隻肥狗就好解決了...嘻嘻~」。其後解釋係「家有傻犬一只,因本人父母嫌其笨,不甚喜歡。可謂:見之討厭,棄之殘忍~ 本人希望可找到愛心者暫時寄養,食物狗籠自備」,當時被愛護動物嘅網民鬧佢「假仁假義」。

不過呢段留言已被delete,目前陳丹丹亦冇再用呢個facebook帳戶,已刪除所有留言,不過facebook中,仍然睇到佢啲相

其實陳丹丹喺大台捱足10年,一直冇發揮機會,依家喺《來生不做香港人》彈出,得網民歡心都算捱出頭,據知陳丹丹已經嫁咗俾金融材俊兼生咗3歲囡囡鄭裕彤,已為「人妻級」喇!





張總…被力捧鬥Anson姐!







鍾意就快D Share啦!
Related Posts Plugin for WordPress, Blogger...